Kijijini Kwetu: Yanayotukia Nyuma ya Pazia!

Siku hizi ni kwa vichanga!

2011-11-28T01:42:00.001+03:00

Bado tunaendeleza mila. Kuna jamii (kabila) zaidi ya 16 mkoani Mara zinazojihusisha na ukeketaji kwa watoto wa kike. Msimu ndo huu baada ya mavuno, mbali na wasichana ambao hawako tayari kutukanwa na wenzao visimani kuwa ni 'wasagane', sasa hali imehamia kwa vichanga, majumbani ama kwa kushirikiana na manesi huko mahospitalini.

Ile sheria ya makosa ya kujamiiana (SOSPA) imelala fofofo!

Mifumo yetu ya kuzuia majanga i wapi?

2011-11-25T09:00:00.002+03:00

Leo usiku na asubuhi baadhi ya wakazi wa mji wa Musoma wamejikuta wakiwa hawana nyumba ama nyumba zao kuzingirwa na maji kimo cha magoti ya mtu mzima!

Na wala si makazi ya watu tu bali zahanati ya serikali ya Bweri na pia ile inayomilikiwa na kanisa la AIC zimejikuta zikiwa zimezingirwa na maji kotekote!

Mpaka sasa hakuna madhara ya upotevu wa maisha uloripotiwa kutokea lakini adha hii ingeweza kuepukika.

Binafsi naona uchovu wa wataalamu wetu wa kuzuia majanga na pia wataalam wa mipango miji.

Maana mahali ambapo bonde na hapakustahili kuwa makazi ya watu hawa waheshimiwa wamepima viwanja vya makazi ya watu.

Kazzi kweli kweli.

Ukweli

2011-11-06T01:22:00.000+03:00

Ukweli ni nini? Sijui

Kaazi Kweli Kweli!

2011-10-31T12:36:00.001+03:00

Yawezekana mambo yako hivo nchi nzima?

Dunia Ina Mambo!

2011-10-30T01:13:00.000+03:00

Sina la kusema zaidi ya kusikiza muziki huu! Muwe na Jumapili njema!

Sijui kama tuna Wasimamiaji wa Maamuzi!

2011-10-29T01:24:00.000+03:00

Tarehe 20 Oktoba nilisafiri na basi la Akamba tokea Arusha lenye nambari za usajili KBJ334J lililokuwa linatoka Dar kwenda Nairobi.

Nilifurahi jinsi lilivyokuwa likipita chap chap mpakani.... Kufika katika viunga vya jiji la Nairobi vikaanza kushushwa viroba vya SUKARI kilo 25 toka kiwanda cha Kilombero.

Nikajiuliza...watu wa forodha na wengineo hawapo mpakani? Maagizo ya kutovusha sukari hawayasikii?

Akili kwako.....

Kumbe kuna Al Shaabab hapa nchini?

2011-10-28T13:02:00.000+03:00

Ati maandamano yasitishwa kwa sababu ya Al Shaabab!

Kama ndivo basi nadhani sherehe za kuzima mwenge wa uhuru zilizopangwa kufanywa tarehe 1 Desemba na pia sherehe za Uhuru 9 Desemba hazitakuwepo!!!

Mmmmmh!

Hatimaye Afanyiwa Upasuaji

2011-10-28T11:53:00.000+03:00

Hatimaye Kaka Shaban Kaluse amefanyiwa upasuaji kufuatia ajali ya gari iliotokea juzi asubuhi. Upasuaji ulifanyika saa 6 usiku wa kuamkia leo.

Amelazwa wodini na anaendelea vema japo mkono ulivimba sana mara baada ya upasuaji.

twamuombea apone haraka.

Maandamano kupinga ulipwaji wa Dowans

2011-10-26T17:07:00.001+03:00

TAARIFA KWA VYOMBO VYA HABARI:

MAANDAMANO YA KUPINGA SERIKALI KUILIPA DOWANS Sh. BILIONI 111

Novemba, 2010 Mahakama ya usuluhishi ya kimataifa ilitoa tuzo dhidi ya Tanesco kuilipa Dowans shillingi billion 94. Jambo hili liliibua hisia na hasira miongoni mwa wananchi kwa kulalamika na kupinga ulipaji huo wa fedha za umma kwa kampuni tata - kutokana na taarifa za kamati teule ya Bunge.

Baada ya tuzo hiyo watu binafsi, mashirika yasiyo ya kiserikali na mawakili wa Tanesco walipinga mahakama kuu kusajili tuzo hiyo. October 2011 Mahakama kuu ilitoa uamuzi wa kusajili tuzo hiyo na kuamuru Tanesco ilipe shillingi billion 94 na asilimia 7.5 ya gharama hizo. Hata hivyo kabla ya usajili wa tuzo hiyo, Dowans iliuza mitambo husika kwa kampuni ya Symbion Powers kinyume cha taratibu kwa kuwa kulikuwa na amri ya mahakama ya kuacha hali ya mitambo ibaki kama ilivyo. Cha kushangaza ni jinsi ambavyo Serikali ilikuwa mstari wa mbele katika kuingia mkataba wa uzalishaji wa umeme na Symbion Powers kwa gharama ya watanzania hali ikijua mitambo hiyo iko kwenye mgogoro uliopo mahakamani.

Kwa kuzingatia haya, Kituo cha Sheria na Haki za Binadamu kwa kushirikiana na Asasi kadhaa za Kiraia na Wanaharakati wa Haki za binadamu tulitoa tamko tarehe 11 Oktoba 2011 kuitaka serikali kuchukua hatua ikiwa ni sehemu ya kumbukumbu ya kifo cha Baba wa Taifa bila mafanikio.

Kwa kuwa serikali imeamua kudharau maoni yetu, na kwa kuwa kuna kila dalili kwa serikali kuilipa Dowans fedha za wananchi, sisi, asasi za kiraia, vyama vya wafanyakazi, serikali wakilishi za wanafunzi na raia wa kawaida wa Dar es salaam tunaitisha maandamano kwa uratibu wa kituo cha Sheria na Haki za Binadamu siku ya Jumamosi tarehe 29/10/2011. Kwa hapa Dar es salaam, maandamano yataanzia Ubungo, mbele ya zilipo ofisi za Makao makuu ya TANESCO hadi Viwanja vya Jangwani kuanzia saa 2:30 asubuhi.

Maandamano haya yanalenga kuitaka serikali kufanya yafuatayo:-

Kutokuilipa kabisa Dowans kwa kutumia hela za walipa kodi wa Tanzania.
Itoe maelezo ya kina kwanini ilipuuza ushauri wa kisheria wa kuvunja mkataba na Richmond toka awali kwani kwa mujibu wa washauri wa kimarekani Hunton & Williams LLP wakati Tanesco inaingia mkataba na Richmond Dev’t Co. Kampuni hiyo haikuwa imeshasajiliwa achilia mbali kuwa haikuwa na uwezo wa kutekeleza majukumu yake chini ya mkataba huo.
Itekeleze kwa dhati maazimio 23 yaliyotolewa na Bunge la Jamhuri ya Muungano wa Tanzania juu ya mlolongo mzima unaopelekea mpaka sasa tutakiwe kulipa bilioni 111. Kwa kufanya hili Serikali pia ituthibitishie kuwa itaacha kabisa kukikosea heshima chombo ambacho ni kisemaji na wakilishi cha wananchi kupitia wabunge.
Kama sheria za kimataifa zinatubana kulipa deni hili basi malipo haya yafanyike kwa kuuza mali za wale waliotusababishia kadhia hii na kwamba malipo ya kuilipa dowans yafanyike pale tu serikali itakuwa imeshawachukulia hatua kali wahusika wa kadhia hii. Umma ni lazima ujiridhishe kwa kuona hatua hizo zinachukuliwa.
Kuchukuwa hatua ya kinidhamu kwa wale wote walioshiriki katika kuingiza serikali katika mkataba huu hata mawakili waliotoa ushauri huu.
Serikali ipeleke Bungeni muswada wa utaratibu mzuri na sahihi wa kushirikisha wananchi na hata wabunge katika kuingia mikataba ya kimataifa na serikali ili kuepusha hali kama hii kutokea.

Kwa hiyo tunatoa wito kwa watanzania wote tuadhimishe kumbukumbu ya miaka 12 ya kifo cha Baba wa Taifa, Mwalimu Julius Kambarage Nyerere, kwa kutenda yafuatayo:-

Tujitokeze kwenye maandamano ya amani na kupinga ufisadi na malipo ya kifisadi ya Dowans siku ya Jumamosi, tarehe 29 Oktoba 2011.
Kuvaa nguo za maombolezo, nyeusi, kama ishara ya maombolezo tukikumbuka msimamo wake wa kupinga ufisadi na matumizi mabaya ya rasilimali za taifa,
Tuzitumie siku za ibada za Ijumaa, Jumamosi na Jumapili zote ndani ya muda huu, kumuomba Mungu atujalie Uzalendo na Ujasiri wa kuitetea nchi yetu, kama alivyofanya Mwalimu Nyerere,
Kuwasiliana na wanaharakati nchi nzima mahali walipo, ili kupanga na kuandaa mahali pa kukutania siku ya maandamano haya ya amani.

Mwisho, tunaomba walipa kodi (wananchi) wote ambao hawajapendezwa na mlolongo huu unaopelekea ulipaji wa deni hilo la Dowans na ufisadi mwingine wote kuwa na uthubutu na kujitokeza kwa wingi kusimamia kile ambacho wanaona ni haki na stahili ya wananchi wote na taifa letu kwa ujumla.

Taarifa Hii Ilisomwa mbele ya Waandishi wa Habari na Mussa Billegeya, Marcosy Albany na Harold Sungusia kwenye Ofisi ya Legala and Human Rights Center (LHRC) – LEO Jumatano tar. 26 Oktoba 2011.

Oyaa...UDsm msituzingue!

2011-10-10T06:00:00.000+03:00

Uongozi unapolewa sifa na waongozwa na hutaka sifa? Bila shaka sivyo....lakini ndo maisha yetu ya sasa.

UDASA sasa wana mpango wa kumtunukia Rais J Kikwete shahada ya udaktari kwa mchango wake wa kupunguza malaria.

Prof. mmoja anauliza: ni nini hii lakini?
Anajibiwa kuwa wameleta vyandalua vya bure kila kaya.
Mmoja anauliza: mbona mimi hivyo vyandalua vya bure havitoshi kwenye kitanda cha watoto achilia mbali cha kwangu?

Anapewa jibu: solution ni wewe kupunguza ukubwa wa kitanda! Ama!!!!

Mmoja amefunguka: acheni kujikomba...kama ni mchango wake kwenye afya wanaostahili kumpa ni Muhimbili ambao kwa kumbukumbu zetu tayari keshapewa. Kwa nini ninyi mumpe nyingine wakati si eneo lenu?

Nabaki na maswali: kujikomba? Ili iweje? Ili mpate consultancy serikalini?

Mmmmmh....maisha bongo bana!

Tafakari!

2011-10-07T07:03:00.004+03:00

Bungeni huwa wanasema 'naomba ku-declare interest'! Nami nasema "mimi si mhubiri kwa kuwa upadre ulinishinda-vinginevo nami sasa ningekuwa mtakatifu kama Simon!

Katika biblia bwana Mkubwa anasema kuwa kama ibilisi akimtoka mtu na akaenda kutafuta makazi mapya naakakuta 'kumejaa' hurejea alikotoka. Na akikuta kumefagiwa na kuwa safi huzunguka huko na huko na kutafuta wenzake 7 walio waovu kuliko YEYE na kurudi pale alipokuwa na kumvagaa...(natumia lugha ya kitakatifu ya kitaa!) Na hapo ndipo aliyepagawa sasa huwa mbaya zaidi ya alivokuwa mwanzo alipokuwa na ibilisi mmoja!

Tutafakari pamoja kama taifa mustakabali wa maisha yetu kijamii, kisiasa, kiutamaduni na kiuchumi!

Labda hii ikusindikize weekend hii!

Tunatengeneza'ga' mabomu siye wenyewe?

2011-10-05T01:41:00.001+03:00

Mtu mume na mtu mke wanapooana huwa wamejaa 'upendo' wa hali ya juu! Na baada ya hapo hata mwaka haujapita utasikia wanataka kuachana.

Nimeshuhudia mtu mke aloolewa akinunua vitu dukani anaandika jina lake. Alipoulizwa anasema 'naandika kwa jina langu kwa kuwa hujui ya leo na kesho'. Maana yake ni kuwa hajui kama ataishi mpaka mwisho wa maisha yake na huyo bwana.

Kwa maelezo yake anadai kuwa itasaidia wakati wa kugawana mali hata kama mtu mume ndo alotoa hela ya kununua hivo vitu!

Hii ni dalili ya kutojitambua na kutojiamini!

Sura tofauti...

2011-10-03T01:30:00.001+03:00

Laiti kama sura tunazoziona kanisani na misikitini kila siku ya ibada (Ijumaa, Jumamosi na Jumapili) zingekuwa hivo na kuakisi ya siku ya ibada dunia ingekuwa sehemu bora ya kuishi kabisa!

Lakini...unyenyekevu wa kiibada pengine huishia hapo kwenye lango la nyumba ya ibada!

Na pengine ndo sababu tunaona yatokeayo ambayo huwa tunayatafsiri kama 'ZAMBI'.

Kifo cha PC Urassa: Mifumo mibovu inavotugharimu!

2011-09-30T21:30:00.006+03:00

Hapa ni kijiji cha NRONGA kipo Machame juu, Mkoani Kilimanjaro

Maziko yalifanyika jana tarehe 29 mwezi huu...misa na maziko yalikuwa sambamba na mama mwingine ila yeye hakuwa askari (Domina Lema) baada ya shughuli za kuzika kawaida askari 6 na kiongozi wao jumla 7 wakacheza gwaride lao na kufyatua risasri tatu hewani kumuaga mwenzao PC Meshack Urassa ambae kituo chake cha kazi kilikuwa Mbeya na alianza kazi 2009.

Maelezo ya askari wenzake walisema amefikwa na mauti baada ya kuvamiwa na majambazi na kupigwa na kitu kichwani..inahisiwa ni nondo zinazotawala huko Mbeya.

Askari waliwasilisha michango yao kwa wafiwa...askari wenzake marehemu, wa huko Mbeya walichanga milioni moja ikakabidhiwa pale makaburini, pia kulikuwa na michango mingine huko Mbeya zaidi ya milioni 2, baadhi zikatumika kufanyia safari na zikasalia laki 9 na nusu nazo zikakabidhiwa kwa wafiwa........

Nini sababu ya NONDO huku na huko? Mifumo mibovu!

English Please!

2011-09-28T05:29:00.001+03:00

Aaaah....labda kuna siku tutakuwa wakoloni ama waswahili kiuhakika!

Swali

2011-09-26T01:40:00.001+03:00

Hivi sisi ni masikini wa nini vile?

Yaani mnazidiwa akili hata na Dereva?

2011-09-23T01:02:00.001+03:00

Mwanafalsafa Albert alikuwa na dereva. Kisa cha yeye na dereva ni kama hivi!

"The story is that Albert Einstein's driver used to sit at the back of the hall during each of his lectures, and after a period of time, remarked to Einstein that he could probably give the lecture himself, having heard it several times.

So, at the next stop on the tour, Einstein and the driver switched places, with Einstein sitting at the back, in driver's uniform.

The driver gave the lecture, flawlessly. At the end, a member of the audience asked a detailed question about some of the subject matter, upon which the lecturer replied, 'well, the answer to that question is quite simple, I bet that my driver, sitting up at the back, there, could answer it..."

Boss wake alielezea vema kwa kuwa ndiye mwenye uelewa nalo. Wasikilizaji walisema: kama Dereva anaweza kujibu namna hiyo basi Professor ni zaidi.

Ktk nchi hii tumekuwa na akina Albert wetu wengi tu. Mwalimu Nyerere ni mmojawapo. Na yeye amekuwa na madereva/wanafunzi wake wengi tu...

Kinachoshangaza sasa ni kuwa hao madereva/wanafunzi wake wameshindwa hata kutoa mhadhara wa maana kuhusiana na nji yetu(kutatua matatizo yanayotukabili).

Ndio maana kila siku wanaimba tu...kwa nini hatujui kwa nini Tanzania ni masikini!!!

Yaani wanazidiwa kufikiri na dereva!!! Ama ndo style ya kufikiri kwa kutumia masaburi? Khaaa!

Eti Mali ni ya mwenyewe?

2011-09-21T01:07:00.000+03:00

Inaonekana kuwa mara baada ya kufa mfanyibiashara mkubwa basi aghalabu biashara hiyo huenda sawa.

Hivi majuzi nilipanda moja ya mabasi mabasi ya safari ndefu ambayo wakati wanaanza safari zao ilikuwa na huduma mbalimbali kama za kutoa maji, kuonyesha sinema/video, pipi, biskuti nk.

Huduma kwa wateja pia zilikuwa safi ambapo mlikuwa mwatangaziwa mlipofika na kadhalika. Nilishangazwa na hali ya sasa ya basi hili na nilipouliza nkaambiwa...'huna habari? Mwenye mali keshakufa so watoto ndo wanaoendesha kampuni'

Swali: kwani mwenye kampuni asipokuwepo ndo mambo yaende ndivo sivo?

Je yawezekana yatokeayo Tanzania kwa sasa ni kwa kuwa mwenye mali-Mwl. Nyerere-hayupo? Je kuna siku nasi biashara ya kulinda rasilimali zetu na kuiongoza nji vema ikawa swafi kama biashara nyingine?

Dereva alikuwa katika hali gani?

2011-09-19T01:25:00.002+03:00

Wakifanya utambuzi kwa kuangalia picha

Mara nyingi tumeona, kusikia na hata siye wenyewe kuwa waathirika wa ajali mbali mbali. Na inapotokea ajali nndipo mchawi anapotafutwa.

Hivi karibuni, baada ya ajali ya basi iliyotokea Dodoma SUMATRA ilitangaza kuifungia safari kampuni ya mabasi ya Moro Best. Baada ya wiki moja ya tangazo moja ya basi la kampuni hiyo lilipata ajali na kuua na kujeruhi watu kadhaa.

Swali: Nani wa kuwajibika?
Suala la uwajibikaji ni gumu kwa kusema ukweli hapa kwenye Tanzania yetu. Na matokeo yake serikali inajivua uwajibikaji inawatupia lawama na mzigo kwa dereva.

Hili la meli pia limekuja na kutushika pabaya. Ni kwamba SUMATRA (kama inafanya kazi Zanzibar) ama chombo kama hicho huko Zenji hakipo kuangalia usalama wa abiria na mizigo yao ama kipo kwa matakwa/maslahi yao binafsi?

Sasa msako wa Nahodha wa meli tena kwa 'uchungu' ufanywao na polisi si kitendawili? Kwani hawakuwepo bandarini na taarifa zao za ki-intelijensia?

Dereva/nahodha alikuwa ktk hali gani haina maana sana kama mifumo ya udhibiti, ufuatiliaji na kuchukua hatua haifanyi kazi (kama ipo) ama haipo!!

Helooo….Prontoooo!

2011-09-16T06:23:00.000+03:00

Tafadhali andika press release kukanusha kuwa hakukuwa na mtafaruku/mafarakano kati yetu! Maana naona hawa jamaa wametuandama!

Heloo! Hebu andika waraka kukanusha hili kwamba hujawahi kunipa suti! Haki ya mama mwaka huu ntakomaje?

…..and the story goes on!……..

Muwe na weekend njema!

Hizi Data Mnazitoa wapi?

2011-09-14T06:17:00.000+03:00

Akitoa taarifa kwa Rais wa JMT, Waziri Kabaka alimweleza mkulu wake kuwa wametengeneza ajira milioni 1.3 na ushei hivi. Kwamba serikali ilitengeneza ajira laki 2 na ushei wakati sekta rasmi ilitengeneza ajira milioni 1.1 na ushei hivi.

Swali: hizi data mnazipata wapi? Mwaka 2006 baada ya serikali kuwa madarakani kwa mwaka 1 walishirikiana na ILO kufanya tathmini ya ajira zilizopo, fursa na kuweka mikakati ya namna ya kutengeneza hizo ajira na viashirio. Mtaalam kiongozi toka India alishirikiana na wenzake toka Tanzania na kila ofisi walipokwenda waliambiwa kuwa watapewa ushirikiano.

Ulipofika wakati wa kukusanya taarifa, kila idara/kitengo walichokwenda walipewa jibu la ‘sisi hatukuwepo kabla, labda muoneni fulani/idara ya….kwa kuwa tulikuwa chini yao’. Mwisho wa siku wakajikuta kuwa taarifa waliokuwa wakiitafuta ilikuwa inapatikana kwa Rais ambaye hata wangemfuata kumhoji angewaambia ‘labda mkamhoji Rais alonitangulia kwa kuwa mie ni mgeni hapa’…Mhindi wa watu akapanda ndege kurudi India.

Sasa, hizo data za ajira 1.3m mmezipata wapi? Poleni sana!!!!

Nchi ya Voda fasta!

2011-09-12T13:20:00.000+03:00

Kesho PM anaanza ziara ya Kiserikali mkoani Mara

Wakati wa ziara yake tutashuhudia haya!

Kwa siku jana na leo tunashuhudia barabara ya kutoka Bweri kwenda mjini ikizibwa viraka!

Swali: hakukuwa na hela mpaka PM aje ziarani ndo mabonde yazibwe?

Kama zilikuwepo kwa nini matengenezo hayakufanyika? mambo yanafanywa ki-voda fasta tu!

Akiwa Mkoani hapa atakagua miradi ya ‘maendeleo’ na kuweka ma-JIWE ya msingi ya miradi ya maendeleo!!!!

Kisha tutaona akipokea taarifa ya serikali na taarifa ya CHAMA toka kwa mkuu wa mkoa wa hapa!!

Pale uwanjani tutaona watakaompokea wakiwa kwenye sare ya NJANO na KIJANI wakati amekuja kwenye ziara ya kiserikali!!!

Halafu huyu ndo atatoa mchozi akisema uzalendo umetoweka!!

Pole!

Ujumbe wa Leo

2011-09-09T17:41:00.001+03:00

Si mbaya! Je majirani zako wasipokusalimia UTAHAMA mtaa ama kijiji?

Unadhani wasipokusalimia watakuzuia kufanya ama kuendelea na lile ulokuwa ukilifanya?

Muwe na weekend njema!!

Ziwa limetuliaaaa!

2011-08-05T00:39:00.000+03:00

Kutoka Kigongo kwenda Busisi na kurudi kwa kivuko (pantoni) utajionea mandhari nzuri kama hii!

Kwenye Utajiri lakini madhila kibao

2011-08-03T22:28:00.001+03:00

Hapa ni kwenye kisima cha Lwenge chenye kutoa maji yanayotumika ktk mji wa Geita. Wadosi wanapata maji kutoka kwenye pump inayotoa maji hapo lakini walala hoi wanajipanga foleni kuanzia saa 10 usiku. wengi wao ni akina mama-fikiria hatari zinazowakabili.

Pata taswira

Maji yametoka Ziwa Victoria kwenda Kahama Shinyanga lakini yaliyoko km 45 tu toka hapa mjini imekuwa kesi! Dah!

Nani wa kutupumzisha?

2011-08-01T00:20:00.000+03:00

Wenyeji wanayaita MAGWANGALA…masalia ya mawe toka mgodini (waste rock) yanayouzwa kwa kiroba sh 4000-5000. Kisha huletwa hapa Nyankumbu kwa ajili ya kupondwa, kusagwa na kisha kuoshwa na kupata dhahabu.

Wapondaji ni nani? Wengi ni akina mama na watoto! Ukitaka kujua ama kuona utumikishwaji wa watoto…njoo hapa utajionea.

Pata taswira

Afya za wanawake, watoto na vijana zi mashakani!

Ukifika pahala hapa na ukasikia kelele za ‘krasha’ hapo utadhani ni boeing inaondoka uwanjani!

Uwekezaji ama ni Wizi uuao?

2011-07-29T00:07:00.000+03:00

Kijana huyu ni mmojawapo wa wahanga wa udhalimu wa wawekezaji.

Ana miaka 13, na hajawahi kuona darasa la pili. Alisoma darasa la kwanza na baada ya wazazi wake kufia kwenye ‘kambi ya wakimbizi wa ndani (Internally displaced persons-IDPs)’ hapa Geita akalazimika kuacha shule ili kumtunza bibi/nyanya yake. Anatamani aanze shule hata kama ni chekechea

Mpaka lini haya yataendelea?

Nani atulilie tusikike?

2011-07-26T00:04:00.001+03:00

Wiki ilopita Viongozi wa dini kutoka Norway, Canada, Botswana, Afrika Kusini na Zambia waliungana na wenzao wa Tanzania (TEC/BAKWATA/CCT) kutembelea wahanga wa uhalifu unaotendwa na wawekezaji kwa kuungwa mkono na serikali katika mgodi wa North Mara na Geita. Leo ninakumbushia tu stori ya watu wa Geita. Hii story haikuanza leo bali miaka kadhaa ilopita. Viongozi wa dini wameweza kuiweka ktk kumbukumbu na waweza kuisoma hapa na kuiona hapa.

Usiku wa tarehe 31 July 2007 ni usiku wa kukumbukwa kwa wengi ktk kaya zaidi ya 80 za kijiji cha New Mine wilayani Geita. Walivamiwa usiku wa manane na polisi, wakafurushwa na kisha nyumba zao kuchomwa moto. Pamoja na kutafuta haki na kupewa mahakamani serikali yao imewaacha kuteseka kwenye mahema bila msaada!

Leo hii wako kwenye mahema kama vile hakuna serikali.

Hili ni jengo la mahakama ya ardhi ambapo familia 86 zilitupwa usiku wa 31/7/2007 bila kujali kuwa kuna wazee, watoto na wakwe zao.

Na haya ndo mahema wanayoishi kwa zaidi ya miaka 4. Mpaka sasa kuna watoto kadhaa wamezaliwa ktk mahema haya. Mmoja wa viongozi wa dini aliuliza: je kila familia inayoishi hapa ina redio? Ni swali la kijinga linaloonekana kana kwamba linawasimanga hawa watu lakini nikakumbuka stori ya wanaoishi maeneo ya mabanda (slums) huko nairobi kwamba: ili baba na mama wakutane kimwili husubiri treni inapopita hapo na fasta fasta baba humrukia mke na humaliza shida zao wakati treni inapita!!! Kwa hiyo kwa jinsi mahema yalivo….unapata picha!!!!!!!!

Pata taswira

Vyoo wanavotumia ambavyo hawakupewa na serekali bali viongozi wa dini

Kwa sasa ziko familia chini ya 30. Usiniulize sasa hivi zile zingine zaidi ya 50 ziko wapi…lakini siku moja nitaibuka na jibu!

Unapokataliwa ndani ya nchi yako mwenyewe….ni shughuli!

2011-07-21T00:09:00.001+03:00

Huwa inashangaza sana kusikia kauli za viongozi wa nchi yetu katika ngazi mbalimbali. Jana wakati ujumbe wa viongozi wa dini (CCT/BAKWATA/TEC) wakiwa na wenzao toka Afrika Kusini, Botswana, Zambia, Canada na Norway walipomtembelea mkuu wa wilaya ya Tarime kabla ya kutembelea eneo la Nyamongo palipo na mgodi tata wa North Mara unaomilikiwa na kampuni ya Barrick toka Canada Mkuu wa wilaya ya Tarime Lt. John Henjewele aliwaambia viongozi hao wa dini kuwa Tarime ni sehemu ya kipekee. “katika utafiti tulioufanya tumegundua kuwa hawa wenyeji wa wilaya hii si wa Kenya wala wa Tanzania bali ni wa Tarime! Hawa watu ni ungovernable kabisa!”

Swali: kuna nchi ndani ya nchi katika Tanzania?

Kama hao wakurya ni ungovernable Henjewele anapaswa kurejesha fedha anayopokea kama mshahara kwa kuwa hafanyi kazi.

Wakati tunasubiri bwana mkubwa amuondoe David Jairo nadhani huyu wa Tarime anapaswa kuondoka sasa kwani ameshindwa kufanya kazi alopewa!

Wiki imekatika ila….!

2011-07-15T10:05:00.001+03:00

Yes! Na bado

2011-06-30T14:20:00.001+03:00

Wakimaliza ndo akili itarudi!!

Sitashangaa hili likitokea!

2011-06-24T07:23:00.001+03:00

Kalonzo na JK (si picha ya Malaysia)

Tarehe 17 June mwaka huu, Makamu wa Rais wa Kenya (Stephen Kalonzo) ametoa kauli ya kushangaza (kwangu).Ndugu Steve Kalonzo alisikika katika eneo la Tiganya wakati wa hafla ya kuchangia fedha shule moja ya upili kuwa ‘ataongea na Rais wa Tanzania, JK, ili Tanzania iruhusu biashara ya MIRAA ama MIRUNGI iruhuhusiwe kuuzwa Tanzania.

Ikumbukwe kuwa mirungi ni zao ambalo liko kwenye kundi la madawa ya kulevya kama bangi ambalo limepigwa marufuku kulimwa na kutumika nchini.

Wiki hii Kalonzo ameonekana na JK kwenye picha wakiwa wanateta walipokuwa nchini Malaysia.

Ndiyo aina ya viongozi tulio nao Afrika wenye kusema ujinga wa aina yoyote na ukakubalika!!!!

kazi ipo!

Leo Ni Siku yangu ya kuzaliwa!

2011-06-19T16:00:00.000+03:00

Nimetimiza miaka kazaa...Nawashukuru wale wote ambao waliweza kuwa nami ktk safari ya maisha mpaka sasa.

Nawashukuru wana-blog wenzangu kwa ushirikiano.

Karibu!

Weekend Njema!

2011-06-10T07:32:00.003+03:00

Jameni mie bado naserebuka! Huo ulaji wa Mkulo kwa sisi Matrafiki si kidogo (notification mpaka 300,000/)

Tuwemo!

Ulaji huo!

2011-06-09T17:11:00.001+03:00

Kama kweli makosa ya barabarani yatatozwa shilingi elfu hamsini (50,000) basi mimi kama askari wa usalama barabarani naona raha sana kwani utajiri uko bwerere kwangu! Nitabambikiza makosa hata yasokuwepo na hivo kama wewe una makosa matatu ukinipa elfu arobaini (40,000) tu nakuachia. Nikikamata gari lako tu moja kila siku kwa mwezi najihakikishia kuwa na sh 1,200,000/ ambazo ni sawa na mshahara wa katibu wa CCM Taifa!

Aksante Mkulo!

Ngoja niserebuke kidogo!

Walioelimika, Aibu iko wapi?

2011-06-03T09:23:00.001+03:00

Watumishi wa umma ambao hawautumikii umma, bali wanajitumikia wao wenyewe

Wanasiasa wanaozungumza, lakini hawasemi lolote

Wapigaji kura ambao wanapiga kura, lakini hawamchagui mtu yeyote

Walimu wanaofundisha ujinga

Mahakimu ambao wanawahukumu watu na wanachukua mlungula

Wanajeshi ambao kila wakati wako katika mapambano na watu ambao inabidi wawalinde

Maaskari ambao hawawezi kuzuia uhalifu kwa sababu wako “busy” na mikakati ya kufanya uhalifu

Watu ambao wanazitumikia pesa

Wacha Mungu ambao badala ya kumhubiri Mungu kwa ajili ya mbingu wanamhubiri Mungu kwa ajili ya tamaa zao

Madaktari ambao badala ya kuokoa maisha, wanayamalizia

Makandarasi ambao wanatengeneza majumba yanayoporomoka na barabara zenye mashimo

Wafanyabiashara wanaouza takataka

Watu wafundishao maadili lakini wao wakiwa hawana maadili

(Credit: Dr Kamanzi, A)

Pata Uhondo toka kwa Mjomba!

Jambazi anapokuwa Mtamu?

2011-05-28T09:44:00.001+03:00

Inashangaza pale ambapo wale walouawa na polisi wanaoelezwa kuwa majambazi na wavamizi kwenye mgodi North Mara wanapokuwa wazuri machoni pa serikali.

Inakuwaje serikali kugharamia maziko yao hata kutoa ubani?

Inashangaza kwa kweli!

Mwisho Wa dunia….Mmesalimika?

2011-05-23T10:16:00.001+03:00

Jambo wadau…nimekuwa kimya na kidogo kidogo ninarejea….

Sina shaka kama hamko mbinguni kama mimi (nilinyakuliwa siku ile ya jumamosi) basi mko hapa hapa!

Nimeelezwa kwa zoezi la kupeleka watu mbinguni limesitishwa mpaka baadaye hasa baada ya kupanda kwa gharama za chakula na pia mafuta (kwa ajili ya kuwachoma wadhambi)!

Basi na tuwemo! Dunia mpya ndo hii mnayoiona baada ya jumamosi!

Ole wenu Mnaoua watu!

2011-04-28T01:21:00.000+03:00

Wiki ilopita nimemzika mwanangu, rafiki, mpwa na kipenzi changu, Domitila. Ni mtoto wa mdogo wangu wa kike alokuwa na miaka 14 na alizaliwa akiwa na tundu kwenye moyo wake.

Juhudi zilifanyika kumpeleka India lakini waNENE walitaka kitu kidogo ambacho ni kikubwa mara 100 toka wa wazazi wa marehemu ili awekwe kwenye orodha ya watakaokwenda India!

Matokeo yake mtoto huyu ameishi kwa madawa kwa kuhudhuria kliniki ya wagonjwa wa moyo mpaka alipopoteza maisha yake jumatano ilopita huko Bugando Mwanza.

Kama vile ambavo watoa mimba huota watoto wao wakiwauliza ndotoni kwa nini waliwaua iko siku wanaopoteza maisha tokana na uzembe ama kutaka kitu kidogo toka kwa wasio nacho watawauliza!

Hivi tuko wapi vile?

2011-04-26T07:31:00.004+03:00

Ukiangalia zamani ama mpaka sasa twajulikana katika vitabu kuwa tunafuata mfumo wa Ujamaa na Kujitegemea!

Sasa ukiangalia kwa undani saaana utaona kuwa tunafuata mfumo UTAMAA na KUJIMEGEA rasilimali za taifa bila aibu!

Pata uhondo wenye majonzi kiduchu tu!

Leo ni Siku ya Kuzaliwa bi mdogo Maria Fidelia

2011-04-24T01:00:00.001+03:00

Leo ni siku ya kuzaliwa bi mdogo Maria Fidelia almaarufu Nkugi.

Ametimiza miaka Mitatu leo….twamuombea maisha mema na baraka tele!

Nichukue fursa hii pia kuwatakia PASAKA Njema ninyi na wapendwa wenu!

Ukitaka kwenda Loliondo Jiandae!

2011-04-06T18:14:00.001+03:00

Leo nikiwa Mugumu Serengeti nimekuta watu wakiwa wamekaa makundi makundi wakisubiria magari ambayo hayajapewa vibali kwenda samunge Loliondo. Jinsi tu walivoonekana walikuwa wamejichokea hata kabla hawajafika. Pia nimekutana na magari yakielekea Loliondo!

Nikiwa njiani jirani na kijiji cha Kyandege nimekutana na basi la Bedui likitoka Loliondo likishusha mwili wa mmoja wa wagonjwa….ulikuwa umeharibika na kutoa harufu sana.

Maiti ikitolewa kwenye Buti

Wakiuandaa mwili tayari kuuweka kwenye jeneza

Pamoja na haya machungu nilokutana nayo pia nimeshangaa watoto ambao walipaswa kuwa shule wakichunga ng’ombe na kuunza maziwa barabarani!

Taswira…Robben Island!

2011-04-06T11:27:00.000+03:00

Boti ya kuwapeleka watalii Kisiwa cha Robben! Ni mwendo wa dakika 30 toka eneo la Waterfront, Cape Town

Nikiwa na Mkuu was Kanisa la Anglikana Tanzania Akofu Mkuu Valentino Mokiwa tukielekea Robben Island

Twakaribia

Selo ya kwanza ya kufikia wafungwa enzi hizo na iliweza kubeba/kukaliwa na watu 60. Dr Kassala akiuliza swali kwa guide ambaye naye alishawahi kufungwa hapo kwa miaka mitano

Menyu kulingana na daraja…hii ni kwa waafrika na wahindi/colored

Mojawapo ya maeneo ya wafungwa kufanyishwa kazi ngumu(quarry). Tundu linaoonekana ndimo walijihifadhi kwa kuepuka jua na kujisaidia…ktk mtindo wa ‘utajiju’.

Hapa ni kwenye chumba cha Mzee Madiba…aliishi humo miaka 18 kabla ya kuhamishiwa kwenye jela nyingine huko Cape Town kwa miaka 9 wakati mazungumzo yanafanyika ambayo yalipelekea yeye kuachiwa huru.

Safari yoyote ile iwe ya ukombozi ni ngumu. Cha muhimu hakuna kukata tamaa.

Maji Ni Dawa!

2011-04-06T02:00:00.001+03:00

Kuna baadhi yetu hawapendi kunywa maji…utakuta mtu anamaliza siku kadhaa bila kunywa maji!

Nakusihi, kunywa maji kwa kadiri uwezavyo!

Tunajiandaaje?

2011-04-04T11:49:00.000+03:00

Hivi karibuni yametokea matetemeko ya ardhi huko Ujapani yakiambatana na sunami na kusababisha mafuriko na kinu cha nyukilia kuvujisha mionzi….

Mwezi wa pili mwaka huu 2011 nilipata fursa ya kutembelea mtambo wa nyuklia wa kuzalisha umeme huko Cape Town Afrika Kusini. Tulielezwa kuwa wanazalisha umeme zaidi ya 40,000mW na wanatarajia kujenga vinu vingine.

Taswira za ziara ya kutembelea kinu cha nyuklia.

Hapa kwetu huko Bahi, Manyoni, Njombe na Namtumbo kumegunduliwa madini ya Uranium ambayo yanatumika kwenye hivi vinu. Tumejiandaaje kukabiliana na athari zake? Tayari tumeshaona wakubwa wakifurahia uwepo wa madini haya bila kujali athari zake kwa watu kiafya na mazingira.

Kama tunashindwa ktk madini mengine ya dhahabu tutaweza kweli kweye hili?

Tunayo safari Ndefu

2011-04-01T11:32:00.001+03:00

Bado najiuliza uongozi hapa kwetu unatafutwa kwa ajili gani. Imekuwa sasa kama kasumba….Maraisi wawili wakihojiwa na waandishi wa habari wa nje wamekiri kuwa hawajui kwa nini Tanzania ni maskini. Sumaye akitoka Harvard naye akadai kuwa kwa miaka 10 alokuwa waziri mkuu hakujua kwa nini tuko maskini….na kwa vile ametoka huko sasa anajua.

Wiki hii Pinda naye kasema hajui.

Tunayo safari ndefu….

Bado vikombe zaidi vinakuja!

2011-03-30T13:20:00.001+03:00

Kilianza kikombe cha Babu kule Loliondo (KKKT)….kisha kikombe cha brazameni kule Rombo (Mkatoliki); Bibi kule Tabora (Mkatoliki) na kule Mbeya Babu dogo (yawezekana akawa mMoravian huyu …lol).

Tutarajie sasa Waislam, Wasabato na Waanglikana nao kuja na vikombe vyao…andaeni makoo yenu kupitisha hayo madawa!

Hakuna haja ya kuwa na Katiba Mpya!

2011-03-21T14:40:00.001+03:00

Kuwa na viongozi wa aina ya Pinda Mizengo ambaye anamzuia Magufuli kutekeleza kazi yake kunanifanya nisione haja ya kuwa na katiba mpya.

Kuwa na viongozi wa aina ya Wasira Tyson mwenye mawazo ya kuwa serikali itakosa uvumilivu kutokana na maandamano ya CHADEMA wakati serikali hiyo hiyo inakuwa na uvumilivu kwa mafisadi na wakoloni wanaotorosha rasilimali zetu kunanifanya nisiwe na shauku ya kuwa na katiba mpya!

Kuwa na viongozi wa aina ya JK wanaolalamika tuuu bila kuchukua hatua na kuchochea visivyokuwepo kunanifanya nisione haja ya kuwa na Katiba mpya.

Aaaaargh, nilikuwa naota! naihitaji katiba mpya itakayoondoa uwezekano wa kuwa na viongozi wa namna hiyo!

Ujinga unazidi…Elimu ya ngumbaru irejee!

2011-03-17T21:00:00.001+03:00

Bila shaka utakubaliana nami kuwa kiwangi cha ujinga katika nchi yetu kimeongezeka. Natamani enzi zile za elimu wa watu wazima almaarufu ngumbaru irejeshwe tena katika kasi yake ile ile iliyokuwepo enzi za Mwalimu.

Enzi hizo kule Usukumani kwa akina Prof. Masangu Matondo kulikuwa na wakati wenyewe wanatoa vioja vinavyosaidia kukumbuka walojifunza.

Kwa mfano:

Sisi sote ni ndugu wao walisema jiji soda mundugu yaani hizi soda kwenye ukuta

Tukuyu, Pemba na Maswa wao walisema duguyu pemba na maswa wakimaanisha tutakuwa tunawasha na majani!

Kuna wimbo: Naapa naahidi mbele ya chama mapinduzi nitayalinda mpaka kufa wao waliimba Napanda mbiti yale-ha chama yupinduka unayunilola mpaka yucha wakimaanisha nimekanyaga fisi ilikuwa ya chama ikageuka ikaniangalia mpaka ikafa!

Kwa burudani hiyo ya maneno wao waliweza kukumbuka waliojifunza japo ki-komedi! Natamani kuingia darasa la ngumbaru nikafundishe japo kuna changamoto.

Tatizo si Tanesco ama TRC

2011-03-14T21:17:00.001+03:00

Kwa muda sasa watu wa kawaida wakiwemo wanasiasa wamekuwa wakitoa zigo la lawama kwa TANESCO, ATCL, TRC ama TAZARA kwa utendaji wao mbovu.

Hata hivyo watawala wetu manyang’au ndio wa kulaumiwa kwa uozo huu kwani kwa makusudi mazima wamedhoofisha mashirika hayo ili kujitengenezea ulaji. Hivyo inashangaza sana wanasiasa wanapolaumu mashirika hayo kwa utendaji wao ilhali kwa namna moja ama nyingine wana mkono wa dhuluma dhidi ya wananchi wa nchi hii.

Umeme: Tunao wataalamu ambao wamesomeshwa na Mzee wa Mwitongo katika nyanja za ‘geothermal’, wind na ‘solar’ na kubobea katika fani hizo. Ikumbukwe maji moto (geothermal) yanapatikana ktk ukanda wa bonde la ufa (rift valley); upepo tunao mwingi tu wa kutosha na jua ni la kumwaga bila chenga! Huko Songwe kwa mfano kiwango cha geothermal kilichopo kinaweza kuzalisha 300mW! Wataalamu wetu hawa wamebaki kungoja kuhudhuria semina, warsha na mikutano ya kimataifa ilhali walichokisomea kipo. Bonde la Stigler gorge linaweza k,uzalisha zaidi ya 2000mW lakini plani ya mzee mchonga ilichakachuliwa na wakubwa wakaamua kujenga Kihansi.

TAZARA, ATCL, na TRC: kama ilivyo kwa umeme uchakachuaji wa mashirika hayo pia umedhoofisha utendaji wake. Wakubwa siku zote wamekuwa wakiingilia utendaji wao ili wao waweze kunufaika.

Ili wakubwa waweze kunufaika wameamua kung’ang’ania juu ya majenereta ya kuzalisha umeme kwani huko ndo kwenye dili. Hali kadhalika tumeshuhudia ongezeko la mabasi ya kwenda mikoa ilokuwa ikihudumiwa na reli na ndege. Mabasi hayo pamoja na malori ya mizigo yanamilikiwa na wakubwa wetu! Mbunge mmoja wa huko Rukwa kwa mfano ameingiza magari makubwa matano (semi-trailers) kwa ajili ya usafirishaji wa mizigo.

Hivyo tunapojadili upandaji wa gharama na hali ngumu ya maisha wanasiasa/watawala wanaosingizia kupanda kwa MAFUTA ni UJINGA na WIZI mtupu!

Barabara zetu..mmh!

2011-02-27T20:56:00.001+03:00

Barabara ya Kibiti-Lindi ina mtihani na hasa kipande cha km 60 toka eneo baada ya daraja la Mkapa mpaka jirani na Somanga kimedumu katika matengenezo kwa miaka zaidi ya 5. Sijui ile ndoto ya kutoka Mwanza hadi Mtwara kwa taxi itatimia lini!

Mabasi zaidi ya 20 na malori 30 yakiwa yamekwama eneo la Marengero kilometa kadhaa kabla ya Somanga

Barabara iko chepechepe

Katika kupishana lori ‘semi trela’ limeramba kioo cha Hiace

Ikabidi tufanye harambee ya kuondoa gogo barabani tuweze kupita la sivo tunalala hapo

Kufika hapa Nangurukuru (yalipo makutano ya kwenda sehemu mbalimbali kama ionekanavyo hapo kwenye bango) ni kasheshe na faraja pia!!!

Mining Indaba-Kama genge la G-8

2011-02-19T10:37:00.001+03:00

Kwa takribani wiki moja na ushei sikuwepo hewani hapa kijiweni. Nilikuwa Cape Town, Afrika Kusini ambako kulikuwa na kusanyiko la wakuu (CEOs) na wafadhili wa makampuni ya madini duniani ambako walikutana kwa siku kadhaa kujadili mambo yanayohusu uwekezaji ktk sekta ya madini na hasa ktk bara la Afrika. Kusanyiko hili hujulikana kama Mining Indaba.

Mwaka jana kusanyiko hili lilikuwa na washiriki 4000 lakini mwaka huu kulikuwa na washiriki zaidi ya 6000 wakati kukiwa na makampuni ya uchimbaji madini zaidi ya 2000 toka kote duniani.

Ili kushiriki na hao wakubwa ilikupasa ulipe Rand 15,000 ama dola za kimarekani 2400. Bei ya ushiriki kwa makampuni pia ni tofauti. Mazungumzo yao 95% ni juu ya namna watakavyopata faida, asilimia 4.6 ni namna wanavosaidia jamii (corporate social responsibility) and asilimia 0.4 ni jinsi uwekezaji wao unavoathiri mazingira na baioanuai! Kwa kifupi walikuwa wanazungumzia “how to capitalize the profits and socialize the costs”!

Serikali yetu iliwakilishwa na Naibu Waziri wa Madini, Kamishna wa Madini na Mkurugenzi wa STAMICO! Serikali yetu ilikuwa na banda lakini halikuwa na taarifa zozote hivo manake ni kuwa wamelipia bure.

Jamani, wakubwa hao wanasema kuwa Ulaya, Marekani na Australia wameweka sheria na sera zinazowabana….. hivyo tumaini pekee ni Afrika ambapo hakuna sheria na sera za kuwabana na hata kama zipo wanaweza kuwabana viongozi wa serikali wakazibadilisha ili kuwaneemesha wao!!

Kaazi kweli kweli!

Poleni sana

2011-02-18T09:07:00.001+03:00

Napenda kuwapa pole wale wote ambao kwa namna moja ama nyingine wameathiriwa na matukio ya mabomu ya Gongo la Mboto mnamo usiku wa kuamkia jana!

Kazi Ikigomba unapumzika tu!

2011-02-03T16:38:00.000+03:00

Machinga wamelala jirani na benki ya NMB Musoma huku wakiwa wametandaza mali zao wakisubiri wateja usingizini!

Ziwa letu ni chafu sana!

2011-02-02T08:39:00.000+03:00

Ukiwa kwenye boti kuelekea Kinesi tokea Musoma maji ya rangi hiyo ndo wayaona.

Seriously: Mnambie kwa nini nijiunge na mifuko ya akiba uzeeni!

2011-01-28T12:19:00.000+03:00

Inasemekana kuwa mifuko ya akiba uzeeni kama vile NSSF, LAPF, PPF nk inamsaidia mtu/mfanyakazi kumtunzia njulugu kiduchu ili atakapostaafu zimsaidie kufa kwa heshima!

Mimi sijawahi kuajiriwa ndani ya serikali wala sekta binafsi na hivyo inapotokea kutongozwa niajiriwe najiuliza na kuwauliza nitapata nini naambiwa pamoja na 'mazuri' nitakayopata ni kulipiwa 10% ya mshahara wangu na mchango wangu kwenda mifuko ya akiba uzeeni nitakayochaguwa mwenyewe.

Hapo ndipo ninakuwa na kigugumizi kabisa kwa sababu kubwa zifuatazo:

Wazee wanapostaafu husotea sana hicho kidogo ambacho wamekitunza huko 'mfukoni'. Akiba ina shilingi milioni 2 mstaafu anaweza tumia robo tatu ya hiyo pesa kuifuatilia!
Mifuko hiyo badala ya kuonekana kama watunzaji sasa wamekuwa wanyonyaji! Kwa mfano: Kuna taarifa kuwa jengo la PPF Towers kiukweli thamani yake ni shilingi bilioni 9 lakini gharama zilizoko kwenye madaftari ni bilioni 18! Bilioni 9 zishalambwa na wajinga wachache wanaodhani jasho la mtu laliwa! Hapo Arusha kuna jengo la NSSF linajengwa na kampuni ya kichina. Jengo hilo la ghorofa 12 na basement linalotizamana na Kathedrali ya Waanglikana (St James) linakadiriwa kuwa litagharimu sh. Bil. 27!!!!! Nashangaa sana kwa kuwa ktk jiji hilo hilo la Arusha kuna hotel ya kitalii ya ghorofa 11 na basement (inatizamana na Ofisi ya mkuu wa mkoa wa Arusha) inakaribia kuisha na imeshatumia bil 8 na wakiongeza finishing na furnishing za ndani haitazidi bil 10 na inajengwa na kampuni ya kichina pia!!

Hapo ndo napatwa na kizungumkuti....kwa nini nichangie kwenye kueneza ufisadi? Halafu watu wanalipa staff/workers development levy lakini wafanyikazi hawaendelezwi!

Hebu nambie...kwa nini nichangie kwenye hiyo mifuko? Aaaagh!

Uamuzi juu ya Matusi haya yangepelekwa katika jamii safi sana!

2011-01-27T11:35:00.000+03:00

Inasemekana mwaka juzi mtoto mmoja wa sekondari alifutiwa matokeo kwa kuandika matusi kwenye karatasi za majibu ya mtohani wa kidato cha nne.

Mwaka jana idadi imepanda mpaka wanafunzi wanne waliofutiwa matokeo kwa kutusi karatasi!

Mwaka huu yawezekana wakaongezeka na kuwa saba (waliongezeka watatu na kufanya idadi kuwa wanne mwaka jana)!

Baraza la mitihani limetumia kifungu cha 5 na 3 cha kanuni za mitihani na adhabu yake ni kufutiwa matokeo!

Najiuliza kama sheria zinafuatwa kwenye mambo fulani kwanini zisitumike hata kwenye siasa na jamii?

Kilio cha Kijinga!

2011-01-19T11:38:00.001+03:00

Nchini kwetu sasa kuna kilio cha kijinga kuwa elimu imeshuka…yawezekana kweli elimu imeshuka. Nakumbuka nilianza kuandika barua za kiingereza nikiwa darasa la nne ktk shule hizi hizi ambazo wakubwa/watawala hawapeleki watoto wao tena.

Sasa hivi kumekuwa na uchuro wa shule ziitwazo ‘English Academy’ ambazo sasa zimegeuka kuwa usanii wa hali ya juu sana. St Mary’s ya ‘Dr’ Mchungaji Rwakatare si ile ambayo tuliijua wakati inaanza. Kama ilivyokuwa kwa kampuni ya mabasi ya Scandnavia Express kuchakachuliwa kwa wakubwa kuingiza mabasi yao na hizi shule zimechakachuliwa na wakubwa kuingiza shule zao wakitumia majina makubwa kama St Mary’s nk.

Kitendawili na kichekesho ni kuwa wakubwa wetu wanastuka kuvuta shuka wakati kumekucha.

Wanadai kigezo cha kupata mikopo kwa elimu ya juu ati ukiwa umesoma english medium hustahili mkopo…na ukiangalia ni kuwa wanaopata mikopo si watoto wa maskini bali watoto wa wakubwa. Kinachoshangaza ni kuwa sidhani kama kwa mtindo wa ktokuwa na mikakati ya kutengeneza ajira hakuna mpango madhubuti wa ku-track wakopaji na kurejesha hizo fedha ili ziweze kutumiwa na wengine.

Shule za umma ziiko hoi….shilingi 15,000 inayotolewa kwa kila mwanafunzi haimfikii shuleni ama inafika sh 2,000 tu baada wa wakubwa kujikatia huko juu. Matokeo yake shule zetu zinakuwa hovyo kabisa. Na wanaopeleka academy watoto wao ni hao wakubwa na akina sisi Ng’wanambiti, Matondo, Mbele, Yasinta, Da Mija Emu 3, Makiya nk!

Wakati wakubwa wetu wanastukia huko juu, wenzetu Kenya kuna mvutano mkali kati ya mafisadi wa elimu na serikali. Wameweka sera kuwa ili uchaguliwe kuingia sekondari ‘priority/preference’ itatolewa kwanza kwa wale waliosoma shule za umma ‘public’ na ndipo shule za academy bila kujali maksi alizopata mtoto.

Sasa wenye shule za academia wana wasiwasi kuwa wazazi watazoa watoto wao toka huko wawapeleke shule za umma na hapo ndo kimbembe kipo.

Najiuliza siye tutastuka lini?

Taarifa za Kiintelijensia zisizo na Intelijensi!

2011-01-17T09:34:00.001+03:00

Najiuliza:

Wakati watu wanatoa rushwa kwenye uchaguzi intelijensia huwa haipo?

Mzee wa vijisenti (samahani MMN, najua huyu ni mbunge wako…lol!) anaficha hivo vijisenti huko nje intelijensia ilikuwa wapi?

Wakati watu wa migodi na wafanyibiashara wengine wanakwepa kodi na kubinya mapato yetu intelijensia haipo?

Wakati wanawake wajawazito wanalala mzungu wa nne hospitali intelijensia huwa imekwenda likizo?

Wakati vituo 45 vya afya hewa vikipewa ruzuku na madawa yenye thamani ya mamilioni ya fedha huko Tanga kwa zaidi ya miaka 2 intelijensia iko wapi?

Wakati George yule faru anauawa huko serengeti Intelijensia ilikuwa wapi?

Wakati wa EPA intelijensia ilikuwa wapi?

Naweza kuendelea mpaka mwaka 2038 nikiuliza juu ya hizi intelijensia zenu zisizo na intelijensi!

IGP Mwema unaboa!!!!! si useme tu kuwa chama dume tumekutuma?

Tutarudi kulekuleeee!

2011-01-14T23:20:00.001+03:00

Iko hadithi moja huko umangini/uchaggani ktk mkoa wa Kilimanjaro. Kwamba kulikuwa na Mangi mmoja alieitwa Senguo (alifariki miaka ya 1945) na alikuwa akiogopwa sana. Kwa kawaida ilikuwa kwamba kila kitu kizuri anachokuwa nacho mtu (kama mbusi, ng’ombe, ndisi nk) lazima kiende kwa Mangi na Mangi huyo alikuwa na mashushu wake walioitwa Waringi ambao walikuwa wakimletea mangi habari za kiintelijensia! kama ulikuwa na kitu ambacho kilipaswa kwenda kwa mangi na hukukipeleka Waringi walipeleka taarifa na uliadhibiwa vikali mbele ya hadhara.

Kama ulikuwa na mbusi nzuri utaadhibiwa, kisha utachinja Mangi atapikiwa na kula na watu wake na kuondoka kwenda kwenye mji mwingine. Toka hapo angebebwa na Waringi…mijitu ya miraba minne na kwenda mji unaofuata na watu wangine wangejipanga kumsubiria huku wakisherehekea kama mazuzu!

Mangi alijipaka mafuta ya ng’ombe/samli na yalitoa harufu kali sana! Na wakati Mangi akibebwa kwenda misele akitaka kujisaidia haja ndogo aliachia huko huko juu na kojo kutelemka na kuwamwagikia wapagazi/waringi ambao waliamini kuwa hayo ni maji ya baraka yatokayo kwa Mangi na waliweza kukaa hata wiki nzima ili baraka zisiondoke!

Hadithi hii inanikumbusha yanayotokea hapa kwetu!

Kakikundi kadogo ka watu kanamiliki na kugawana rasilimali za nchi hii!

Kikundi cha watu kinatumiwa kama Waringi kunyanyasa watu na walio wengi wanapewa kanga, pesa, tisheti nk wakiaminishwa kuwa ni baraka toka kwa Mangi!

Kaazi kweli kweli!

Viwanja vya NMC!

2011-01-12T16:51:00.001+03:00

Mteremko wa kuelekea Metropole

Uwanjani

Msafara kutoka Hosp kwenda NMC

2011-01-12T14:31:00.001+03:00

Bodaboda wakiongoza msafara

Watu wakiwa kwenye msafara

Gari likiwa wa wanahabari

Gari lenye mojawapo ya maiti

Hisia na hujuma haziepukiki!

2011-01-12T13:47:00.001+03:00

Mpaka sasa saa 7 mchana kuna malumbano hapa. Ndugu wa jamaa alouawa (kutoka jamii ya kiislamu) wanasemekana kugoma kupeleka mwili wa marehemu uwanja wa NMC kwa ajili ya kuagwa na wananchi waliofurika huko. Kisa? Kuna minong’ono kuwa familia ya marehemu wamepewa fedha wasimpeleke jamaa huko uwanjani!!!

Lakini habari zaidi ni kuwa maiti za walioko hospitali kutokana na kupigwa na risasi ni zaidi ya watatu na jamaa zao nao wanataka nao wapelekwe uwanja wa NMC wakaagwe kishujaa. Hivyo upande wa serikali (polisi) unajaribu kushawishi wapelekwe watatu tu ili kuepusha vurugu zinazoweza kujitokeza. (NOTE: hii si Official statement ya serikali kwani hilo suala la idadi ya walokufa inapaswa kutolewa na polisi ama msemaji wao).

Poleni sana! Hisia haziepukiki!

Utaficha yoote lakini hisia hazifichiki

Ni zaidi ya maumivu?

Kweli?

Nje ya Mount Meru Hospital

2011-01-12T12:29:00.001+03:00

Wazee wa CHADEMA wakijadili jambo nje ya Ofisi ya Mkuu wa Wilaya Arusha

Vijana wakionesha hisia zao kwa mabango

Watu kibao nje ya Mt Meru Hosp.

Watu zaidi wakielekea Mt Meru Hosp.

Magari ya wafuasi na wapenzi wa CDM wakijongea hosp kwa ajili ya kuanza msafara

watu zaidi…

Boda boda nao….

Hapatoshi….

Msisitizo...

HApo chini gari la wanausalama lipo japo wamejichanganya na watu

Nje ya AICC nako pamejaa

Tuko pamoja

Arusha Asubuhi Hii!

2011-01-12T12:01:00.001+03:00

Watu wakielekea Uwanjani NMC

Watu waliowahi uwanjani NMC

Uwanjani saa 4.30 Asubuhi

Leo sikukuu! Ubwabwa na kila kitu!

2011-01-12T11:10:00.000+03:00

Leo ni sikukuu ya Mapinduzi ya Zanzibar!

Nimekumbuka sms ya rafiki yangu alonitumia kuwa:

"Enzi za Mwalimu ikifika siku ya Uhuru/Mapinduzi watu huandamana kwa nyimbo za kupinga unyonyaji, ubeberu, umbuzi na ukabaila. Walihimiza ufanyaji kazi kwa bidii na kilimo cha kufa na kupona.

Siku hizi siku ya Uuru/Mapinduzi watu wanafurahia kutokwenda kazini na kushinda katika gesti bubu na baa; wengine kukaba watu njiani. UPUUZI MTUPU"

Leo ni siku ya mapinduzi na hapa Arusha tunaaga wenzetu walopigwa na risasi na 'polisi'. Ndiyo, kwenye mabano kwa kuwa hawa ni sawa na majambazi wa kisiasa tu kwa kukubali kwao kutumiwa na wanasiasa.

Niko hapa si kwa kuwa ni mwanachama wa chama hiki bali Mtanzania! Atleast nina sababu ya kusherehekea Mapinduzi!

Ndio Bosi!

2011-01-07T14:13:00.001+03:00

Kadiri siku zinavokwenda ndo mambo yanabadilika…

Kama nchi tunaacha mema yenye kutufanya tuendeleee na misingi bora tunashabikia ujinga. Leo hii kila mtu Tanzania anataka kuitwa Mheshimiwa ama Bosi! Niliwahi kuitwa kwenye mkutano mmoja ambao ulijadili namna ambavyo tutamaliza tatizo la mauaji ya Albino nchini na mgeni rasmi alikuwa Mizengo Pinda.

Uongozi wa mkoa ulinambia niandae risala/neno kwa niaba ya Mara…nikajipinda mwanaume…Ndugu Waziri Mkuuu bla bla blaaa! Nilipoipeleka hiyo ‘draft’ ya hotuba/risala huko mkoani wakubwa wakaondoa neno ndugu na kuweka MHESHIMIWA!

Nikaliacha kama lilivyo…nilipoingia kwenye mkutano nikasoma NDUGU huku nikipiga chabo kuona ‘reaction’ ya wadau wakiwemo wakuu wa protokali nikaona wananikodolea macho!

Swali: huu uheshimiwa ama ubosi manake nini? Je ndio sababu pengo kati ya wenye nacho na wasokuwa nacho linakuwa kubwa?

Na Bado!

2011-01-06T14:44:00.001+03:00

Waliwahi kusema huko nyuma, na ktk vibaraza vyetu tukaeleza kuwa amani tunayoambiwa na wanasiasa ni ya kutokuwa na vita ila MIOYONI mwa watu hakuna amani kamwe.

Tumeelezea kuwa suala la kuwatumia vijana wakati wa uchaguzi na baada ya hapo kuwaona maadui litakuja kuigharimu nchi hii. Matokeo yake tunaambiwa kwenye kampeni kuwa zimetengenezwa ajira milioni kadhaa kwenye makaratasi…vijana wanaendelea kukata tamaa!

Rafiki yangu askari aliyeko Arusha ananambia askari polisi wanaoishi uraiani wamehamia kambini na familia zao (na hivo kusababisha msongamano wa watu kambini) na kikosi cha jeshi l(JWTZ) cha Monduli wamewekwa stand-by! Na kwamba askari 300 zaidi wamepelekwa Arusha!

Taarifa kuwa kuna Askari mmoja kachinjwa na vijana wenye hasira baada ya kuishiwa mabomu/risasi ni kielelezo cha kuwa akili iliyo tupu ni hatari sana!

Tusubirie manake hatujui yatakayokuja!

Sina hakika!

2011-01-04T15:33:00.001+03:00

Ninashangaaa!

Kama wao wanaweza siye kwa nini?

2010-12-27T15:15:00.001+03:00

Marekani imewashtaki BP kwa kuchafua mazingira! kwetu Barrick Gold na GGM wanachafua kweupeee lakini wanapeta tu!

Mmmh! Haya, Nimeacha!

Ihayabuyaga!

Mtaweza?

2010-12-23T12:06:00.001+03:00

Mkutano wa Viongozi wa maziwa makuu wamemaliza mkutano wao huko Lusaka wakitoa azimio la kuwashtaki wazungu wanaoiba/vuna rasilimali za nchi hizo bila kufuata taratibu na bila kuwanufaisha wananchi wa nchi hizo!

Nimeona picha ya video ya viongozi hao na nyuso zao zilikuwa na tabasamu la ‘funika kombe mwanaharamu apite’. Si ajabu baada ya mkutano waliwapigia mabwana wao na kusema ‘Don’t mind about the Lusaka resolution…we weren't that serious, you what am talking? Tis business as usual!’

Naacha: Ihayabuyaga

Nani wa kulaumiwa?

2010-12-20T09:00:00.001+03:00

Wazee mnaohudhuria misa/ibada ya vijana ilihali yenu ipo mkichezeshwa kiduku ama simama-kaa mtamlaumu nani?

Nenda nje ya kasha/box uone uhalisia!

Naacha: Ihayabuyaga!

Wataka Rap nyingine?

2010-12-17T18:40:00.001+03:00

Nawatakia wikiendi Njema kabsaaa!

Wenu: Ihayabuyaga!

Breaking NEWS: Faru auawa!

2010-12-17T16:36:00.001+03:00

Taarifa toka mbugani serengeti zilizotufikia hapa Musoma ni kuwa mmojawapo wa Faru (5) walioletwa toka Afrika kusini na kukabidhiwa Rais Kikwete mwaka huu kwa mbwembwe amekutwa ameuawa na watu wasiojuilikana.

Tutawajuza zaidi!

Grand plan: Kwa manufaa ya Nani?

2010-12-16T09:37:00.001+03:00

Wiki hii serikali imeingia mkataba na African Rice kutafiti uzalishaji wa mchele ama mpunga, ita vyovyote vile! Na wanadanganywa kuwa ni mchele bora saaana utakaoondoa tatizo la chakula katika Tanzania!

Wasichojua ni kuwa shirika ama kampuni hiyo yenye makao yake mikocheni tayari ilishaanza siku nyingi huko Kyela katika eneo ambalo twaweza kuliita kitovu cha mpunga/mchele Tanzania!

Mbaya zaidi ni kuwa utafiti na majaribio si kihivyo inavosemwa bali kuzalisha mchele ambao umebadilishwa vinasaba (genetically modified rice).

Ni mchele na pengine vyakula vya namna hiyo vinavyopingwa ulaya na marekani kwwa sababu ya matumizi makubwa ya madawa na mbolea za viwandani ndio wakubwa wetu wanasherehekea juu ya dili za namna hiyo!

Tukumbuke kuwa mradi huo na mingineyo kama ile ya utafiti wa mahindi yaliyobadilishwa vinasaba yanafadhiliwa na kibaraka wa wakoloni Koffi Annani kupitia mpango unaoitwa AGRA wakifadhiliwa na Gates Foundation na Rockefeller Foundation!

Hiyo yote wanatengeneza masoko ya makampuni ya mbolea na mbegu ya wakoloni kama Syngenta, Mosanto na mengineyo! Na ni moja tu ya sababu ya kuyakataa.

Wakati watu wa Ulaya na Marekani wanataka mazao yaliyolimwa kiasili (organically grown foods) siye twaendelea kufakamia GM foods. Haya na twendelee tu kuwa dampo la yasioyotakiwa ulaya na marekani…tukishamaliza rutuba ardhi yetu kwa kuiharibu kama Isimani iringa labda akili itatujia! Tukishapoteza mbegu zetu za asili na kuishia kununua na kupoteza uwezo wetu wa kushirikishana kijamii akili itarejea tu!

Soma hapa kupata sababu 12 kwa nini tukatae ujinga huu!

Naacha

Wenu: Ihayabuyaga!

Dowans na maandalizi ya 2015!

2010-12-15T09:59:00.001+03:00

Kauli ya waziri mmoja kuwa malipo ya 187 bilioni kwa Dowans ni maandalizi ya 2015 inastua na kufikirisha. Inastua na kushangaza kwa kuwa nadhani kama wakubwa wameamua kuwa wajinga wakidhani kuwa matumizi ya pesa yatakuwa ndo suluhisho la ushindi!

Sishangai hayo kufanyika kwani ktk nchi ya jirani ya Zambia kampuni moja ya madini ilimpa mgombea urais fedha nyingi tu kwa ajili hiyo. Na kwa kuwa ilikuwa nyingi kiasi hicho wakamshauri afungue akaunti Botswana na fedha ikaingia huko! Kabla ya uchaguzi pesa hiyo ikaondolewa kiasi hatua kwa hatua ikaenda Afrika Kusini kwenye akaunti ya mtoto wa Rais na na kisha kuhamishwa kwenda Zambia kugharamia kampeni!

Umafia wa namna hii ndo tunaona unatokea kwetu! Na kama asemayo huyo mkulu ni kweli wananchi wanatakiwa waamke waone jinsi wanavyoliwa kwani kama Zambia watawala hawako kwa ajili ya maslahi ya wananchi bali kwa maslahi yao wenyewe. Tunayo makampuni hapa kwetu ambayo yanafadhili wanasiasa. Mwaka 2005 CEO mmoja wa kampuni moja huko Arusha alimuonesha mwandishi mmoja nyaraka za kiasi cha fedha walizochangia kwenye kampeni zaidi ya milion 300 na akamwambia asimfuatefuate kuandika yanayotokea hapo kwa kuwa kuna baraka za wakubwa…mwandishi akaguna akapoozwa kwa tiketi ya ndege kurudi Dar na sh laki 3!

Naacha, wenu Ihayabuyaga!

Ukitaka kula sharti nawe uliwe!

2010-12-14T09:52:00.001+03:00

Mmmh! Huo msemo aliwahi kuutumia mbayuwayu wetu! Na unanikumbusha kauli ya CEO mmoja wa kampuni moja iitwayo Paladin kutoka Australia inayochimba madini huko Malawi aliyoitoa kwa wanahisa wake ktk mkutano mkuu (AGM) kuwa ‘We are coming to invest in Africa because there is poor/weak governance zones’! Kuuuumbeeeeeeeeeee! Nshaelewa sasa kama si kulewa!

Kama haitoshi wakati wananchi wa maeneo hayo ya mgodi wakiwa hawaridhiki na yatendekayo mkulu wa kampuni hiyo akasikika kuwa ‘we will make the President a shareholder in our company’.

Hapo tunaona ujinga wetu siye wenye kufanya maamuzi ya mambo makubwa yanayowaathiri wananchi wa kawaida. Huko Uganda huwezi kuwekeza na ukawa salama bila kumhusisha kijana wa rais M7 a.k.a mzee wa Rap (do you want another rap????). Hapo kwetu unaweza kuona hata bila kuambiwa juu ya ujinga wa namna hiyo! katika miradi yote mikubwa kuanzia mahoteli mpaka vitalu vya kuwindia wanyama mbugani mikono ya wanene!!!

Na ndiyo sababu kusema ule ukweli tunahitaji kubadili mifumo ya utawala. FUNGUKA!

Bongoland: heri kutetea Wasenge kuliko kutetea wananchi!

2010-12-13T16:27:00.001+03:00

Ndiyo, labda ni sawa kabisa kutetea haki za Wasenge na Mashoga kuliko kutetea wananchi kwa kuwa labda unaweza kusikilizwa! mengi yanatokea na ndo sababu ukiangalia utaona kuwa watu kama Slaa na chama chake wanasakamwa kwa kudai mabadiliko ya kimifumo ktk utawala wa nchi ikiwamo katiba mpya.

Ndiyo, ndo sababu wabunge wa chadema walipotoka nje walizomewa na wenzao kwa milio ya ‘CCM! CCM! CCM!’ Sina hakika nani alikuwa akiimbiwa hayo yote na ikafuata kauli za kubeza.

Tatizo la wabongo tunajadili matukio badala ya ‘issues’! Na hata mkulu wa nchi wakati analizungumzia hilo suala akasema kuwa hao walotoka nje hawawezi timiziwa matakwa yao (walowaahidi wapiga kura) bila kumlilia! Ujinga ama ulevi gani huu?

Kijamii kuna watu wamesakamwa kwa kuwa wametetea wananchi wa kawaida na wajinga fulani ndani ya serikali na CCM yangu wakiwaambia kuwa kama wanataka waanzishe vyama vya siasa ama wakavue majoho kwenda kugombea nafasi za kisiasa!

Ni lini watawala watakapoweka maslahi ya watu mbele zaidi ya maslahi yao binafsi?

Tutaendelea Kushika Pembe wengine wanakamua madhiwa, kilainiiiiiii!!!!

2010-12-10T11:27:00.001+03:00

Jana ‘kampuni’ ya masuala anga za mbali kama ile ‘kampuni’ ya kimarekani ya aina hiyo hiyo iitwayo NASA (siyo Nasa kule Magu, mkoani Mwanza) imezindua mkakati wake miaka 10 wa kwenda mwezini na kuendeleza technolojia ya anga, kuweka masetilaiti nk. Uzinduzi huo umefanyika hapa Midrand, yalipo makao makuu ya bonge la Afrika!

Akihojiwa asubuhi hiyo ya jana, Waziri wa Sayansi na Tekelinalokujia wa kwa Madiba, mwanamama ngangari, nimempenda! Anajua anachokifanya na amesema hiviiii…. wanao watu (utaalamu) na teknolojia ila hawana rasilimali. Kwamba watatafuta rasilimali kwa namna yoyote ile toka kwingineko Afrika na kwamba washaainisha nchi ambazo zina rasilimali nyingi ambazo watazivuna huko!

Na kwamba wameainisha pia watakaoshirikiana nao (partnership) kuwa ni Algeria, Nigeria na Kenya! Unaona? Wavune kwetu rasilimali kwetu wabia wawe watani wetu wa jadi!

Lakini, mpaka Kenya kuonekana ni kwa kuwa wenzetu wamejiandaa siku nyingi….nakumbuka kuwa wakati mbunge wa Tarime Marehemu Chacha Wangwe anuawa a.k.a kupata ajali, kuna taarifa kuwa setilaiti za Kenya zilinasa tukio hilo na kuwajulisha wahusika. Kama kawaida ripoti za matukio yenye utata kama hayo kama ilivyokuwa kwa Sokoine huwa hazitolewi!!!!

Lini siye tutakuwa na mkakati wa maendeleo ya kisayansi? Au ndo ile mineno ya watoto wote wa darasa la nne na saba hawatatahiniwa bali watapita tu mpaka basi?

Tafakari!

Wizi mtupu!

2010-12-09T20:20:00.001+03:00

Leo madingi wako Cancun, Mexico!

Leo hii wakubwa wa nchi walogeuka mambayuwayu wako Cancun, Mexico kwenye mtukano wa masuala ya mabadiliko ya tabia nchi!!! Bila shaka mbayuwayu wetu naye atakuwapo manake nimeona hapa kwa Madiba wanaonesha jinsi mbayuwayu wa hapa alivoingia Mexico kwa mbwembwe!

Kinachoshangaza ni kuwa wanakwenda kujadili mambo ambayo wakubwa washayatolea maamuzi kuwa hawataki kutekeleza yale yote yaliyoko kwenye mkataba wa Kyoto (Kyoto protocol on Climatic Change). Kama vile malengo ya milenia (MDGs) hakuna cha maana kitakachofanyika badala yake watasaini makubaliano (declarations) na kurudi….na utamu zaidi uko pale ambapo watakuwa (wale wa kutoka Africa) wanauchapa usingizi na wakistuka wenzao watakuwa washapiga bao!!!

Baada ya muda watakutana tena kufanya tathmini ya makubaliano ambayo hayakuwa yao….Hawatakutana kujadili MKUKUTA bali hayo waloyafanya ktk nchi ya ugeni! Laiti kama wangejua! Na kwa kuwa washazoea kwenda mikutano kama si mitukano kuna watu serikalini wanahudhuria mikutano 300 ya kimataifa kwa mwaka :-(

Mtu huyo ukimtafuta ofisini hapatikani, na kuna wanaobadilishia nguo na kupewa masurufu yao airport….mmmmh! Wizi mtupu!

Sipati Picha ya Waziri Mkuu rafiki na Waziri wa Fedha Mama Mkwe!

2010-12-08T10:57:00.000+03:00

Salaam waungwana toka kwa Madiba! Bila shaka hamjambo! Nilipo hapa nafikiria huko nyumbani kinachoendelea na wakati huu ambapo mbayuwayu yuko Ubelgiji sipati picha pale ambapo waziri mkuu angekuwa rafiki yake Mkulo na waziri wa fedha mama mkwe wake Meghji!

Nchi yetu hii, mmmmh! Ndiyo, kwa kuwa kuna habari kuwa Mkulo ndo angekuwa waziri mkubwa na mama mkwe angekuwa waziri wa fedha...laiti kama si UwT kuingilia kati na mtoto wa mkulima ambaye tayari alikuwa keshaondoa vifaa vyake ofisini (sina hakika kama angefanya kama Waziri Masha kwa kuondoa mpaka picha za rais kwa madai kuwa kavinunua yeye) sijui hali ingekuwaje...Dah! Hivi nchi inaongozwa kama nyumba ya familia na marafiki? Aaaagh!

Ni hayo tu waungwana, ila kiukweli nawakaribisha tupate walau WINE toka ktk Table Mountain city, Cape Town!

Kuondoa shilingi Manake nini?

2010-12-05T14:03:00.001+03:00

Habari zenu wadau! Nimepotea na yawezekana nkaendelea kupotea hewani…

Leo naomba mnisaidie maana ya KUONDOA SHILINGI ktk bajeti kule mjengoni Idodomia.

Mbunge akiondoa shilingi kwenye bajeti ina athari gani? Na akigoma kuirudisha pamoja na marekebisho nini kitatokea?

Unapokubali kuoa ama kuolewa na picha!

2010-11-23T10:19:00.001+03:00

Jamaa kakamata chake!

Jumamosi na Jumapili kulikuwa na sherehe ya kukata na shoka baada ya binti wa miaka 13 kufunga ndoa na kijana aliyeko Dar akisoma chuo! Binti huyo aliyemaliza darasa la saba mwaka huu anatarajiwa kuingia sekondari mwakani (wakati wa kampeni tulielezwa kuwa watoto wa darasa la saba sasa watakuwa wanaingia moja kwa moja kidato cha kwanza!!).

Kwa bahati mbaya yawezekana atakapoitwa kujiunga na shule atakuwa amembeba mtoto mwenzie mu-tumbo mwake!!!!

Kioja ni kuwa muoaji hakuwepo ila aliwakilishwa. Nilijiuliza kama MC akisema ‘sasa Bwana na Bi Arusi wanakwenda kujipumzisha itakuwaje?’ Hii inanikumbusha stori ya wapare (akina Mt Simon na Da Koero) kula ugali kwa picha ya samaki!!

Haya ngoja twendelee kuangalia sinema hii.

Tutarajie miaka 5 ya kisasi?

2010-11-18T12:33:00.001+03:00

Labda ni tanzania pekee ambapo yanayosemwa hutendwa kinyume inapokuja kwenye utendaji kisiasa!

Tuliambiwa gesi imepatikana na umeme utapungua bei lakini tunaona umeme ukipanda bei kila siku. Tuliambiwa wawekezaji wakija ajira zitakuwepo kedekede na kwamba uchumi utapanda na maisha yatakuwa bomba sana lakini hali halisi mifukoni mwa watu wa vijijini na hasa walioko maeneo ambako kuna wawekezaji hali ni hoi kuliko tulivoaminishwa, n.k, n.k.!

Sasa uchaguzi umeisha na chama chetu kimeshinda kwa ‘kishindo’ huku vyama vya ‘upinzani’ vikichukua majimbo muhimu kwa ‘chama chetu’. Hapo ndio ngoma inapoanzia kwa kuwa katika uzoefu mdogo wa tangu mfumo wa vyama vingi uanze mahali ambapo kuna kiongozi wa upinzani maendeleo yamekuwa hayapo kwa makusudi ya kuwatia watu adabu.

Hapa Musoma kwa mfano, CHADEMA imepata uwezo wa kuunda baraza la madiwani na pia wamepata mbunge…minong’ono iliyopo ni kuwa ‘tutaona watafika wa’! Unaweza kukuta kwa miaka mitano ijayo eneo kama hili na watu wake wakinyimwa fursa za maendeleo kwa kisingizio cha kijinga cha kuwakomoa ati kwa kuwa walichagua ‘upinzani’. Na ukiangalia ususwaji huo huwa haubagui wa chama tawala ama upinzani.

Unaweza kukuta mikoa takribani 10 ambayo imepigia kura upinzani mwaka huu ikasuswa na zile ahadi walizopewa wakati wa kampeni zikayeyukia hewani. Na unaweza kukuta wale wabonge walomkataa waziri mkubwa wakiandamwa na mkubwa huyo hata kama alisema katika hotuba yake kuwa hatawashughulikia!

Kitendawili kitateguliwa na wao wenyewe!

Taswira za ushangiliaji ushindi

2010-11-08T08:21:00.001+03:00

Uchaguzi umeisha lakini kwa hapa Musoma, ni uchaguzi utakaokumbukwa sana kwa kuwa na matukio kabla na baada ya uchaguzi. Inasemekana katika jimbo hili la Musoma Mjini ni NADRA kwa mbunge kutawala vipindi viwili! Kwa mfano Ibrahim Marwa (ambaye kwa sasa ni Mkuu wa Wilaya ya Same) alikuwa mbunge kwa miaka 5 tu kabla ya kung’olewa na mbunge aliyemaliza muda wake ambaye ameng’olewa na Vincent Nyerere wa CHADEMA. Sina hakika kama huyu atadumu vipindi viwili lakini wananchi wataamua hapo baadaye!!!

CHADEMA ilinyakua jimbo na udhibiti wa halmashauri ya Manispaa kwa kupata Madiwani 8, CUF 2 na CCM 3 ambapo mmojawapo wa CCM amekataa kutia saini kuwa AMESHINDA!!!!! Jamani fursa inakuja weye waikataa?….lol! NItalijadili hilo baadaye panapo majaaliwa!

Pata taswira za ushangiliaji ushindi siku ya tarehe moja mwezi Novemba kwa kuwa mbunge huyu mteule alikuwa wa kwanza kutangazwa kwa nchi nzima…usiniulize kwa nini labda ntakueleza tutakapoonana kwenye kahawa….lol!

Mamia ya washabiki wakielekea nyumbani kwa mbunge Mteule kujiunga na wenzao kushangilia.

Mashabiki wakishangilia na kuufanya mji wa Musoma kuzizima kwa muda

Palikuwa hapatoshi!

Nadhani kwa mara ya kwanza (kwani sijawahi kuona ama kusikia live) staili mpya ya ushangiliaji ikaonekana hapa mjini! Nyuma ya gari na picha inayofuata wakaonekana mashabiki wakiwa na jeneza la kiislam lilotengenezwa kwa neti ya kuzuia mbu na likiwa na picha ya mgombea wa CCM!!!! Hawakuishia hapo pikipiki moja almaarufu ‘bodaboda’ ilionekana ikiwa imebeba jeneza litumikalo na wakristo huku wakiimba kuwa wanakwenda kumzika mgombea aloshindwa!

Binafsi sikufurahia jambo hilo lakini ni historia ya kukumbukwa mwaka huu!!!!

Nawatakia Uchaguzi mwema!

2010-10-28T09:07:00.000+03:00

Nimekuwa mtoro sana kijiweni hapa. Niko likizo lakini ni kama niko job tu kwa kuwa ninaandaa maadhimisho ya siku ya Wavuvi Duniani ambayo itafanyika Musoma. Maadhimisho hayo yatafanyika kikanda (Afrika Mashariki) ambapo kutakuwa na washiriki (wavuvi) kutoka Rwanda, Burundi, Kenya, Tanzania na Uganda!

Ukiongeza hekaheka za uchaguzi ndo kabsaaaaa!

Kwa wale watakaopiga kura nawatakia upigaji kura mwema na tutaonana huko kwani nitakuwa mmojawapo wa waangalizi wa ndani wa uchaguzi (iwapo hakutakuwa na mizengwe).

Kwa wale ambao hamtapiga kura kwa sababu moja ama nyingine, mtiombee zoezi hili liende mswano.

Undumilakuwili utatumaliza wazima wazima!

2010-10-23T11:53:00.001+03:00

Gari aina ya fuso

Wakati tunaelekea mwishoni mwa kampeni tayari kuna dosari imeshajitokeza kwenye uongozi na dira kama taifa. Dosari hii kwa maoni, mtizamo wangu ni kuwa chama changu tawala hakistahili tena na kamwe kupewa ridhaa ya kuongoza nchi hii tukufu.

Kuna tuhuma zilitolewa na mmojawapo wa wagombea kuwa chama kimoja cha siasa kinatumia genge la vijana wanaojishughulisha kufanya vitendo vya uhalifu hapa mjini Musoma. Vikundi hivyo ni Jamaica Mockers na Mbio za Vijiti. Ilidaiwa kuwa vinana hao wanasafirishwa na gari aina ya fuso (pichani) na wana mapanga na mijeledi pamwe na silaha nyingine za jadi kwa ajili ya ‘kuwashughulikia’ vyama pinzani!

Taarifa zilizopo ni kuwa polisi walilikamata gari hilo likiwa na silaha hizo lakini hakuna hatua zozote zilizochukuliwa. Tukumbuke kuwa vikundi hivi vya vijana ndivyo vinahusika na vitendo vibaya vya ubakaji na uporaji. Siku ya mwisho ya mtihani wa kidato cha nne, mmojawapo wa wanachama wa Jamaica Mockers aliyekuwa anasoma kidato cha nne katika shule ua Musoma Utalii Sec alikamatwa kwa ubakaji wa msichana wa kidato cha kwanza wa shule hiyo.

Tatizo langu ni kuwa: kwa nini chama cha siasa kijihusishe na makundi haya ya kishenzi ilhali mkuu wa kaya ambaye ni mkuu wake akijinadi kuwa wametokomeza ujambazi na kuwa vibaka hakuna na kwamba hali ya usalama/amani ni nzuri? Inatia uchungu kuona hayo yakitendeka wakati huu na yakiwahusisha vijana ambao wanatumiwa vibaya-badala ya kuwafanya wawe raia bora wanawafanya baadae wawe maadui wao wenyewe na jamii.

Ikumbukwe kuwa hatuna sera nzuri ya vijana na mara zote vijana wamekuwa wakitumika kuwaingiza wanasiasa madarakani na kisha kuwabwagilia mbali. Kwa mfano kwenye mabilioni ya JK tumeshuhudia vijana wakikosa mikopo ilhali watu wazito wakiipata kwa kutumia mashamba hewa! Kiukweli vijana wanakuwa ‘watamu’ wakati wa uchaguzi na unapoisha wanakuwa maadui baada ya uchaguzi!!

Nitashangaa sana baada ya uchaguzi kama polisi watajidai kuwasaka wanachama wa vikundi hivi hasa wakati wakubwa wanazuru mkoa wakati walikuwa hawachukui hatua yoyote wakati huu!

Aaagh!

Wengi wetu ni Mawenzi na wachache wetu ni Kibo, ama!

2010-10-19T12:44:00.001+03:00

Bila shaka mnakumbuka kisa cha Kibo na Mawenzi katika simulizi za hadithi katika shule ya msingi ambapo Kibo na Mawenzi walikosana kwa sababu ya wivu na uvivu wa Mawenzi akamwagia kaka yake Kibo uji wa moto kichwani (theluji kama inavoonekana sasa) na Mawenzi kuishia kupigwa kwa mwiko kichwani mpaka akawa nyang’anyang’a.

Wivu na uvivu, hulka ya Mawenzi ilimfanya akabwengwa na kaka yake Kibo katika ugomvi uloanzishwa na Mawenzi. Bidii ya kazi na utendaji wa kujituma ilimfanya Kibo akamwagiwa uji wa moto kichwani! Kibo anapendeza (uji a.k.a theluji) kutokana na bidii na Mawenzi ni mbofumbofu kutokana na wivu na uvivu!! Aaagh! Si unaona wanaofanya kazi wanavyobezwa na mafisadi wanavyotukuzwa?

Majuzi mkubwa wa kaya akimnadi mtu mmoja huko Rombo akasema ati wamchaguwe mtu huyo kwa kuwa kakesi aliko nako ni kadogo sana na kuwa mkuu wa kaya ana hakika ntu huyo atashinda! Nikadhani ni masikhara nkastukia na Monduli nako anamnadi mtu kuwa ni msafi saaana kama sufi, mh! Nasubiria Igunga nisikie tena stori!

Viongozi na wazee wetu sijui wanatupeleka wapi ama siye ndo tunajipeleka kusiko!

Taswira za kuadhimisha miaka 11 ya kifo cha Mwl. Kambarage Nyerere!

2010-10-15T08:51:00.001+03:00

Baba Askofu Michael Msonganzila wa jimbo Katoliki la Musoma akiendesha misa ya kumbukizi la miaka 11 ya kifo cha Mwl. J.K. Nyerere iliyofanyika jana huko Butiama. Katika homilia yake Askofu Msonganzila alizungumzia wasifu wa Baba wa Taifa mintaarafu uchaguzi ujao. Mambo kama ustawi wa watu, amani, heshima na haki kwa wote vilitawala maisha ya Mwalimu. Mambo muhimu aliyosema:

“pengo kati ya walionacho na wasiokuwa nacho linaongezeka. Kadiri linavyoongezeka ndivyo na wasiokuwa nacho wanavyo jawa na hasira kwa kuwa wanafalsafa wanasema kuwa mtu mwenye njaa huwa na hasira na siku zote hasira itajitokeza nje kwa namna mbalimbali”

“Mwalimu aliwaweka watu kama hatma ya kila jambo alilokuwa analifanya ktk nchi hii maendeleo ya watu) tofauti na viongozi wa sasa wanawatumia watu kama nyenzo/vyombo vya kutekeleza matakwa/tamaa zao mbaya kisiasa”

“rushwa na maovu mengine yanatamalaki katika jamii yetu kwa kuwa kuna tamaa mbaya za aina mbalimbali. Kwa bahati mbaya viongozi wa dini wakiyazungumzia wanaambiwa wavue majoho waingie kwenye siasa. mbona tukifanya kazi za jamii kama kujenga hospitali na mashule tunasifiwa, kwa nini katika hili la kukemea maovu tuambiwe tukavue majoho tufanye siasa”

“mchakato wa kumtangaza Mwalimu kuwa Mtakatifu uachwe utendeke kwa mujibu wa kanuni na taratibu za kanisa katoliki na usiingiliwe kwa namna yoyote ile ili uamuzi utakapotolewa uwe ule ambao unathibitishwa bila shaka yoyote”

Umati wa watu ukiwa kaburini mara baada ya misa kwa sala na maombi.

Watu wakijumuika Mwitongo.

Kundi la baadhi ya wana maombi kutoka Dar Es Salaam wakiongozwa na Pd Felician Nkwera na Sr. Dina nao walikuwa miongoni mwa wageni waliofika kwa ajili ya kuungana na Mama Maria Nyerere na familia yake ktk mkesha na misa ya kumbukumbu hiyo.

Hongera kwa siku yako ya kuzaliwa!

2010-10-13T18:47:00.001+03:00

Jack Ng’wanaMayenga!

Ati leo tarehe 14 Oktoba umezaliwa upya! Hongera Da Jack Ng’wana Mayenga kwa kutimiza miaka kadhaaa. Ujaaliwe miaka mingi na kheri duniani. Uwalee wanao Nyamtondo na Nkugi katika maadili ya kisukuma haswaaaa!

Hongela! Unibakishie keki ya viazi!

Lugha zetu zinapotea: Nani mchawi?

2010-10-07T14:33:00.001+03:00

Binti wa kinyankole!

Kwa siku kadhaa tumekuwa hapa Machame tukizungumzia juu ya mchango wa mila na tamaduni katika utunzaji na usimamizi wa mazingira. Mojawapo ya changamoto ambazo wazee tulokuwa nao wameziongea ni upoteaji wa lugha.

Si ajabu Da Yasinta alipoanzisha blog ya kilugha baadhi ya watu walimshangaa. Kwa hiyo wazee wanasema kuwa vijana wa sasa hawajui kabisa lugha zao na wametekwa na utandawazi-wizi….kwamba kuongea Kiswahili sana na kimombo ndo unaonekana wewe ni wa maana mno!

Mama (mzee) mmoja wa kichaga alisema kwa sasa ni vigumu kwa wazee kuwasiliana na watoto hasa kwa masuala ya msingi ambayo mtu asiyehusika hatakiwi kujua ni ngumu. Kwa mfano kama binti alikaa vibaya mbele za watu aliambiwa KAANISHA kwa Kichagga ama kwa binti wa Kinyankole (kabila la kusini mwa Uganda) aliambiwa SHITAMAJI na moja kwa moja alielewa nini kinaongelewa na hivyo kujikusanya na kukaa kwa adabu na staha zaidi.

Lakini sasa watoto wameota mapembe hawataki kusikia ya mwadhini wala ya mnadi swala! Ukimuongelesha kilugha anadai mzazi amepitwa na wakati na hata kuongea wenyewe kwa wenyewe wanambiana ama kuambiwa kuwa ni WAPORIPORI yaaani washamba!

Nani mchawi? Elimu, watoto ama Wazee?

Ukiona UMEULA jua USHALIWA!

2010-10-07T08:48:00.001+03:00

Jamaa wakipata ugimbi kwa raha zao!

Juzi mke wa rafiki yangu karejea saa mbaya (usiku wa manane) akiwa na chupa kadhaa za ulabu akimletea mumewe naye agide!

Rafiki yangu anasema kuwa mgombea ubunge mmoja hapa jimboni Musoma mjini alitoa ofa ya kufa mtu katika kitongoji cha Rwamlimi na watu walijitwalia kiasi wanachotaka!

Nilipomuuliza rafiki yangu juu ya msimamo wake wa kutoa kura akadai kuwa atatoa kwa mtoa ofa ya ulabu! Nimecheka sana huku nikiwa namshangaa kwa kuwa ni huyo huyo ambaye kila nikikutana naye ananambia kuwa maisha ni magumu na kuna haja ya kufanya mabadiliko!

Inaonekana haelewi kuwa UKIONA UMEULA ujue UMELIWA!!!!!!! Kalagabaho…!

Hivi, huwezi kutoa huduma mpaka upewe hongo?

2010-10-05T12:42:00.001+03:00

Mizigo ikiwa imetolewa nje ya nyumba!

Nimeanza likizo lakini kwa kichefuchefu! Kichefuchefu hiki kinatokana na niliyoyakuta kijijini siku ya kwanza ya likizo yangu. Nilipofika huko nilikuta zoezi la umwagiliaji dawa ya kuua mbu ndani ya nyumba (indooor residue spray) likiendelea. Na nilifurahi walau kuona watu wakitoa vyombo japo kuna baadhi walikuwa wanagoma dawa kunyunyizwa ndani ya nyumba zao.

Mmwagiliaji akiwa kazini katika kituo cha Madaraka, kata ya Kukirango.

Kilichonitia kichefuchefu ni taarifa za kuwepo vitendo vya hongo kwa hao waliohusika na zoezi la unyunyiziaji wa dawa. Kutoka wilayani Bunda nimepata nakala ya barua ya mwananchi mmoja ambaye aliandika kwa Takukuru, DC, DMO, DED nk akilalamikia jinsi zoezi la usaili wa watu watakaohusika na unyunyizaji lilivyokwenda.

Mtu wa Bunda alisema ili kupata fomu ya kuomba kazi hiyo ilikupasa utoe sh. 6,000 na ukiitwa kwenye usaili unalipa sh. 50,000 ambazo hazitarejeshwa.

Musoma vijijini baadhi ya wanaohusika kwenye zoezi hilo wanadai kuwa kuna baadhi wametoa hongo mpka ya sh 200,000 kwa kila mmoja.

Jamani, hivi kutoa huduma mpaka mtu atoe hongo?

Wikiendi njema kwa vimbwanga toka kwa mdau FeDE na wengineo!

2010-10-02T16:33:00.001+03:00

Mambo yako hivo?!!!!

Kasheshe hilooo!

Haya kwa mwenye kuitaji usaidizi….lol!

Ujuzi wa mila na desturi na kuongezeka kwa uweledi wa wanafunzi katika somo la historia!

2010-10-01T11:09:00.001+03:00

Mtoto akiwa langoni mwa nyumba!

Niko Machame na nimetembelea shule tatu za msingi zilizoko katika kata ya Machame Kaskazini. Shule hizo ni Nkweseko (1937), Nkwawangya (1975) na Nkwamwasi (1962). Shule hizo kwa pamoja zimejenga nyumba za asili za kichaga na kuziwekea vifaa (artifacts) vya zamani vilivotumika kwa maisha ya kawaida ya wachaga. Vifaa hivo vinakusanywa na watoto wenyewe toka majumbani mwao.

Nyumba hizo sasa zinatumika kama vituo vya mafunzo kwa wanafunzi na jamii ambapo wazee na wanafunzi hukutana na kuelezana mila na desturi za kichaga. Humo utakuta vitu kama kidewa (chombo kama bakuli kilichotengenezwa kwa mti kilichotumika kwa kulia chakula) nk. Wazee hufundisha watoto mambo ya zamani…mila na desturi za kichaga, walipotoka, jinsi walivoishi, vita walivyopigana kujikomboa na maadui zao nk!

Ni hapa nilipokutana na simulizi toka kwa mtoto akinambia zamani nyumba za wachaga wa machame zilipojengwa milango haikutazama kibosho kwa kuwa kulikuwa na uadui wa jadi uliotokana na mapigano ya mara kwa mara. Hata kuoana haikuwa rahisi. Na akanambia kuwa hilo sasa ni kama limekwisha kutokana na ujio wa dini na pia watu kustaarabika!

Kwa maelezo ya walimu wakuu wa shule hizo kiwango cha uelewa cha wanafunzi katika somo la historia kimepanda. Pengine wana vigezo vyao lakini kwa mazungumzo na wanafunzi wachache walionekana kufurahia hilo jambo. Walimu na wanafunzi wanakiri kuwa uwezo wa kitaaluma ktk somo la historia umepanda na pia sayansi.

Nadhani kuwa na mbinu kama hii ya kufundishia (kuwa na nyumba za jadi-mahalia) ni jambo jema kujifunza, ne?

Kama huku kunawezekana basi na kwingine inawezekana, ama huku si Tanzania?

2010-09-30T16:58:00.001+03:00

Watoto wakipata msosi shuleni.

Katika shule za msingi Nkweseko (1937), Nkwawangya (1975) na Nkwamwasi (1962) zilizoko Machame wilayani Hai chakula cha mchana hutolewa shuleni. Nimeelezwa kuwa mahudhurio ya watoto ni kati ya 97%-98% na kiasi kinachobaki cha wasiohudhuria kinatokana na sababu za ugonjwa.

Wamewezaje kufikia hilo? Ni sera ya wilaya nzima ya Hai, nimeambiwa…labda na wilaya nyingine pia mkoani Kilimanjaro hufanya hivo sijui…wazazi huchangia sh 8,000 kwa kila mwaka ambazo hutumika kulipa posho ya mlinzi na mpishi, kununua kuni na mafuta. Pia mzazi huchangia debe 1 na nusu la mahindi na kilo 5 za maharage kwa mwaka. Mboga za majani watoto hujilimia wenyewe shuleni.

Ukisoma taarifa za wizara ya elimu na utamaduni utaona kuwa utoro na hasa mahudhurio ya shule katika sehemu nyingi Tanzania unasababishwa na kutokuwa na chakula cha mchana mashuleni kwani watoto wengine wanaishi mbali na shule na umaskini. Hivyo hawarejei shuleni na ni shida kwa watoto wadogo zaidi wa shule za awali na walio na ulemavu.

Sasa, kama ndo hali hii, wilaya fulani inakuwa na sera fulani nzuri ama inafuata maelekezo yaliyoko kwenye sera kwa nini isiwe kila mahali ama sera ya elimu inatekelezwa kwa viraka viraka? Au watunga/watekelezaji sera wa Hai wana uelewa mbovu ama mzuri kuliko wa sehemu nyingine Tanzania?

Safari ni ndefu lakini safari moja huwa inaanzisha nyingine…

Usilalamike kwa kuwa pengine Brain-drain ilianza zamani kuliko unavyofikiria!

2010-09-28T12:54:00.001+03:00

Mlango ukiwa na tundu la usalama

Ukiangalia mlango wa asili wa kichaga na makabila mengine utaona kuna tundu/tobo ambalo tunaelezwa ni kwa ajili ya ulinzi (kuangalia nani yuko bomani kama kuna hodi ama kusikika kwa sauti isiyokuwa ya kawaida bomani). Ukienda katika hoteli kubwa kokote utakuta kuna katobo mlangoni ambako aliyeko nje haoni ndani ila wa ndani anamuona aliyeko nje mlangoni kwa kuwa kana kioo kimkuzacho aliye nje.

Wachaga na Wakikuyu wanasali kuangalia kaskazini uliko mlima Kilimanjaro na Kirinyaga (Kenya). Waislamu husali kunako kibra ambayo lazima iwe kaskazini!

Wachaga na makabila mengine wawaliokuwa wanatoka mlimani (ama wanaishi huko ama kwenda kutambika/kusali) walipokuwa wanashuka wakikutana na watu wanaelekea uelekeo wa mlima (uphill) aliyepaswa kusalimu mwingine ni yule atokaye mlimani kwa kuwa alikuwa na ‘utakatifu fulani’ baada ya kukutana na Mungu ana kwa ana. Utakatifu huu wazeza usiwe kama wa Mt. Simon Kitururu…lol! Ukiangalia sheria za usalama barabarani za kiingereza ambazo tunazitumia sisi hapa nchini utaona kuwa mwenye gari apandishaye mlima hupewa fursa ya kupita na ashukaye mlima kwa heshima zote, ama?

Mila na desturi ni tamu wajameni….! Lakini ndo hivo tena twaibiwa na wajanja tuliowafungulia mlango kisha tukang’oa bawaba na mlango ukabaki wazi ili manyang’au wa kila aina waingie kunyumba!!!

Taswira toka mgombani!

2010-09-28T12:46:00.001+03:00

Wadau wakishangaa nyumba ya jadi ya kichagga!

Nyumba ya kichagga!

Hapo vipi? Pozi la mlima Kilimanjaro linapamba taswira!

Nipe sababu za msingi kwa nini nichange!

2010-09-27T10:52:00.001+03:00

Kwa kawaida arusi zimekuwa zikitumia fedha nyingi.

Nimeelezwa na rafiki yangu kuwa arusi ya ndugu yake iligharimu shilingi za kitanzania milioni 60. Kasema pia kuwa kuna ambazo amehudhuria zimegharimu zaidi ya shilingi milioni 200.

Nimesikia kuwa kitakwimu, mwaka jana katika Tanzania gharama za arusi zilifikia dola za kimarekani bilioni moja…sina hakika ila kama hali ndo hii ninayoiona naweza kuamini.

Ninashangaa inapoitishwa michango ya elimu na afya hakuna anayejitokeza kwa hiyo naomba unipe sababu za msingi zitakazonishawishi nikuchangie katika arusi yako, ya mwanao ama ya ndugu yako.

Tatizo ni nini?

2010-09-25T10:00:00.001+03:00

Aina za kulala!

Kaka Ngw’anambiti, pole na majukumu! Mimi ni msomaji wako katika kijiji chako ambacho sijui nani alikuchagua kuwa mwenyekiti wake! Nimekuandikia kutaka mchango wako wa mawazo. Unaweza kubandika hapo kwenye ubaraza wako ili wengine wajifunze kupitia suala linalonikabili. Naitwa mama John (si jina halisi) na niko Dar.

Mimi ni mama wa watoto watatu. Mimi na mume wangu tulioana wakati tukiwa wabichi kabisa kutoka chuoni na sasa tunakaribia miaka 12 tangu tuoane. Siku za hivi karibuni nimekumbwa na tatizo moja. Niligundua kuwa mume wangu hana hamu nami kabisa na tunapopata nafasi ya kujamiiana huwa anapiga ‘bao moja tu’ na kuchoka kitu ambacho si kawaida yake. Nilimuuliza lakini hakutaka kuwa muwazi kwangu japo alisingizia kuwa ni kuchoka tu na mihangaiko ya mchana.

Majuzi tulipata mgeni nyumbani kwetu…mdogo wangu wa kike asomaye chuo kikuu kimoja hapa nchini. Ilikuwa akae nasi mpaka watakapofungua chuo mwezi wa 11 baada ya kunyimwa fursa ya kuwa chuoni mwezi wa 10 kama ratiba inavyoonyesha katika prospectus zao.

Alipofika, baada ya muda akanilalamikia kuwa shemejie anamtaka kimapenzi na hivyo anataka kuondoka hapo nyumbani aende kijijini kwani hataki kuleta usumbufu katika familia yangu. Baada ya kufikiri tulikaa na kuzungumza na mdogo wangu na tukaamua kuwa ni lazima tufanye kitu ili kuzuia ubaradhuli wa namna hii usirejee tena kwake na kwa wengine.

Tulikubaliana kuwa mdogo wangu amkubalie na wapange kukutana usiku baada ya mimi kulala. Kwa kuwa muda mwingi huwa anarejea nyumbani usiku na kwa kuwa chumba cha wageni alalacho mdogo wangu kiko karibu na sebule atamgongea dirishani kasha atamfungulia. Tulikubaliana kuwa siku ya siku mimi ndie nitalala kwenye chumba hicho nay eye atakwenda kulala chumba cha watoto na kazi ya kufungua mlango nitaifanya mimi.

Alimweleza kuwa ‘ombi lake limekubaliwa’ na wakapanga kuwa wataonana jioni na kuwa agonge dirisha. Baada ya kula jioni mdogo wangu alikwenda kulala chumba cha watoto na mimi nikazima taa ya sebuleni kasha kulala chumba cha wageni. Mume wangu alikuja akagonga dirisha na nikaenda kumfungulia mlango. Kwa sababu ya giza hakuweza kunitambua na akavua viatu ‘visipige kelele vikaniamsha’ nakujitoma chumba cha wageni kimyakimya. Alinivamia na kuanza shughuli.

Naomba niseme kuwa alipiga bao 4 non-stop huku akinisifia (akidhani kuwa ni mdogo wangu) kuwa nayajua majambo. Kisha akatoa wallet (gizani) na kuipa pesa laki moja!!! Kabla hajaondoka nilimwambia nikimnong’oneza kuwa angoje nikamfungulie. Nilikwenda nikawasha taa na alipatwa na mshangao na mshtuko kuniona ni mimi!!!!

Nilimwambia, ‘baba John, kumbe ndivyo ulivyo?’ Sikuendelea ila kulia kwa uchungu na aliniomba msamaha kwa kitendo kile kwani nilimweleza A-Z kuhusu jinsi alivyofanya.

Najiuliza, kwa nini mimi nilikuwa napewa nusu dose na kwa ‘mdogo’ wangu ikapatikana full dose? Je wanaume wote mko hivyo? Naomba msaada wa mawazo…nifanyeje? Je hatanitenda tena?

Haya wadau, naomba msaada wenu wa mawazo…Kaka Kaluse na Kamala uwanja ni wenyu kwani hili nadhani ni suala la kiutambuzi pia japo linajumuisha saikolojia pia!